މިއަދުގެ ސެމީފައިނަލްގައި ނައިފަރު ޗެލްސީއާއި މާފަރު!

Miadhu ge semi finals gai Naifaru Chelsea aai Maafaru

މާފަރާއި ނައިފަރު ޗެލްސީ ބައްދަލު ކުރި މެޗު --- ހިންނަވަރު ފުޓުބޯޅަ ޗެލެންޖް

13 މާރިޗު 2023

ހިންނަވަރު ފުޓުބޯޅަ ޗެންޕިއަންޝިޕް 2023 މުބާރާތުގެ ފުރަތަމަ ސެމީފައިނަލްގައި މިއަދު ނައިފަރު ޗެލްސީއާއި އެފް.ސީ މާފަރު ބައްދަލު ކުރާގޮތަށް ވަނީ ހަމަ ޖެހިފައެވެ. މި މެޗު ކުޅުމަށް ހަމަޖެހިފައި ވަނީ މިއަދު 16:00 ގައި ހިންނަވަރު ފުޓުބޯޅަ ދަނޑުގައެވެ.

ޖުމުލަ ފަސް ޓީމު ބައިވެރި ވެފައިވާ މި މުބާރާތުގައި މާފަރު އެފް.ސީ އަކީ ނޫނު އަތޮޅަށް ނިސްބަތްވާ ހަމައެކަނި ޓީމެވެ. ދެން މި މުބާރާތުގައައި ކުޅެނީ ހިންނަވަރު އެސް.ސީއާއި އޮޅުވެލިފުށި ރޭމަންސްގެ އިތުރުން ނައިފަރު ސޮކަރ ސްޓަރއެވެ.

އެފް ސީ މާފަރުން ނައިފަރު ޗެލްސީ ބަލިކޮށްފި!

ފޯރިގަދަކޮށް ދިޔަ މި މުބާރާތުގެ ގްރޫޕް ސްޓޭޖުގައި މާފަރާއި ނައިފަރު ޗެލްސީ ބައްދަލުކުރި މެޗު 0-2 ން ކާމިޔާބު ކުރީ ނައިފަރު ޗެލްސީއެވެ.

މުބާރާތުގެ ދެވަނަ ސެމީ ފައިނަލް ކުޅުމަށް ހަމަޖެހިފައި ވަނީ މާދަމާއެވެ. މި މެޗުގައި ބައްދަލު ކުރާނީ ހިންނަވަރު އެސް.ސީއާއި އޮޅުވެލި ފުށި ރޭމަންސްއެވެ.

ހިންނަވަރު ޗެންޕިއަންޝިޕްއަކީ ހިންނަވަރު ހިރިޔާއިން އިންތިޒާމް ކޮށްގެން ހިންގާ މުބާރާތެކެވެ. މިއި މި މުބާރާތް ބާއްވާ 3 ވަަނަ އަހަރެވެ. ޗެންޕިއަން ޓީމަށް އިނާމު ފައިސާގެ ގޮތުގަި 60000ރ ހުށައަޅައިގެން ކުރިއަސް ގެންދާ މި މުބަރާތުގައި ރާއްޖޭގެ މައްޝޫރު ފުޓުބޯޅަ ކުޅުންތެރިންގެ އިތުރުން ރާއްޖެއިން ބޭރުގެ ކުޅުންތެރިންވެސް ކުޅެއެވެ .

މި މުބާރާތުގެ ހުރިހާ މެޗެއްވެސް ހިންނަވަރު ފުޓުބޯޅަ ޗެންޕިއަންޝިޕް 2023 ފޭސްބުކް ޕޭޖުން ލައިވް ކުރާގޮތަށް ވަނީ ހަމަ ޖެހިފައެވެ.