ދި މެންގްރޫވް އައިލެންޑް ރަށުބޯޅަ ފުޓްސަލް މުބާރާތް އަންނަ ހޮނިހިރުގައި ފަށަނީ

ނ އަތޮޅުގެ ރަށްރަށާއި ރިޒޯޓްތަކަށް އަމާޒުކޮށްގެން ބާއްވާ ދި މެންގްރޫވް އައިލެންޑް ރަށު ބޯޅަ ފުޓްސަލް ކަޕް 2024 ނުވަ ޓީމާއެކު އަންނަ ހޮނިހިރުގައި ފަށަން ތައްޔާރުވެއްޖެ އެވެ.

ކެނދިކުޅުދޫގައި މިދިޔަ އަހަރު ބާއްވަން ފެށި މި މުބާރާތް ކާމިޔާބުކަމާއެކު ފަސް ރަށަކުން ޖުމުލަ ނުވަ ޓީމަކާއެކު ކުރިއަށް ގެންގޮސްފައިވަނީ ރިޒޯޓް ބޯއީސް ފުޓްސަލް ކަޕްގެ ނަމުގައެވެ. އެ މުބާރާތް ރީބްރޭންޑުކޮށް، މުބާރާތުގެ ހައިބަތު އިތުރަށް ބޮޑުކޮށް މިއަހަރު ބާއްވަން ތައްޔާރުވަމުން އަންނަ އިރު، މިފަހަރުގެ މުބާރާތުގައި ޓީމުތައް އިތުރުކުރާނެ ކަމަށް މުބާރާތް އިންތިޒާމުކުރާ ރަށު އެކުވެރިން ޕވޓ ލޓޑ އިން މައުލޫމާތު ވަނީ ދީފައެވެ.

މިދިޔަ އަހަރުގެ މުބާރާތަށްވުރެން އިނާމު ފައިސާވެސް މިފަހަރުގެ މުބާރާތަށް ވަނީ ބޮޑުކޮށްފައެވެ. އެގޮތުން މިފަހަރުގެ މުބާރާތުގެ ޗެމްޕިއަން ޓީމަށް 40،000 ރުފިޔާގެ ފައިސާގެ އިނާމާއި ވާދައިގެ ތަށި ދޭއިރު، ރަނަރަޕް ޓީމަށް 15،000ރފ ވަނީ ދޭން ނިންމާފައެވެ. 

Advertisement

މިފަހަރުގެ މުބާރާތް ކުރިއަށް ދާނީ ދެ ގުރޫޕަކަށް ބަހާލައިގެން ދުވާލަކު ދެ މެޗު ކުޅޭ ގޮތަށެވެ. ހަވީރު ކުޅޭ ދެ މެޗުގައި ކޮންމެ ދުވަހަކުވެސް ދެ ގުރޫޕުގެ އެއް މެޗު ކުޅޭއިރު، 8 ދުވަހުން ގުރޫޕް ސްޓޭޖް ކުޅެ ނިންމާލާނެއެވެ. 

ދި މެންގްރޫވް އައިލެންޑް ރަށު ބޯޅަ ފުޓްސަލް ކަޕް 2024 ގުރޫޕުތައް:

ގުރޫޕް އޭ

1. ނެބަޓަން

2. ސިރަޕް ސްޕޯޓްސް ކުލަބް

3. ކޭޒެޑްޑީ

4. ކޮމެޓްސް ސްޕޯޓްސް ކުލަބް

5. ޓީމް ލަންދޫ

ގުރޫޕް ބީ

1. ކަބަޓާން ސްޕޯޓްސް ކުލަބް

2. ޑީޓޫ ސްޕޯޓްސް ކުލަބް

3. ކޮމެޓްސް ނިއު ޖެނެރޭޝަން

4. މާފަރު ފުޓްސަލް

މުބާރާތުގެ ފުރަތަމަ މެޗުގައި ބައްދަލު ކުރާނީ ނެބަޓަން އަދި ސިރަޕްއެފްސީއެވެ.

މި މުބާރާތުގެ ޓައިޓަލް ސްޕޮންސަރުންނަކީ ނ.ކެނދިކުޅުދޫ ކައުންސިލްއެވެ. މުބާރާތުގެ ބްރޯންޒް ސްޕޮންސަރުންނަކީ ލީޖަން ޓްރެވަލްސް، ސްޓެލްކޯ އަދި ޕްރޮޓޯން ވައިބްސްއެވެ. ސްޓްރީމިންގް ޕާޓްނަރަކަށް ބައިނަރީ ލައިވް ހަމަޖައްސާފައިވާ އިރު ފޮޓޯގްރަފީ ޕާޓްނަރަކީ ސިޑިބަރިއެވެ.

މީގެ އިތުރުން ބޯލް ޕާޓްނަރުންނަށް އޭ-21 އަދި ޓްރެވަލް ޕާޓްނަރުންނަށް އަރިސް ގްރީންއާއި މޯލްޑިވިއަން ވަނީ ހަމަޖައްސައިފައެވެ. މުބާރާތުގެ ކްރިއޭޓިވް ޕާޓްނަރަކީ އެލައިވް ޑިޒައިންއެވެ. ޑިޖިޓަލް ޕާޓްނަރަކަށް އުރީދޫ ހަމަޖައްސާފައިވާއިރު، ބެވަރެޖް ޕާޓްނަރަކީ ކަބީސާއެވެ. މުބާރާތުގެ ޕްރިންޓިންގް ޕާޓްނަރުންނަކީ ރެޑްކިރިއެޓިކްއެވެ. އަދި ލޭޔާ އަށް ޓްރޮފީ ޕާޓްނަރުކަން ދީފައިވާއިރު އޮފިޝަލް ކިޓް ޕާޓްނަރަކީ ހެޕްޓާއެވެ.

މިފަހަރުގެ މުބާރާތުގެ ސަޕޯޓިންގް ޕާޓްނަރުންގެ ތެރޭގައި ދިރާގު، ނަސީމްބެ، ޓީލް ޗޮއިސް އަދި ރޮބިންސިއާގެ އިތުރުން ޝަހުދުއެވެ. މިފަހަރުގެ މުބާރާތުގެ މީޑިއާ ޕާޓްނަރަކީ ރަށްފުށު އޮންލައިންއެވެ. މި ނޫހުން މުބާރާތުގެ ހުރިހާ މެޗެއްގެ މައުލޫމާތު ތާޒާ ކަންމަތީ ގެނެސްދޭނެއެވެ.