ދި މެންގްރޫވް އައިލޭންޑް ރަށުބޯޅަ ފުޓްސަލް ކަޕް 2024 ގެ ސެމީ ފައިނަލްސް މިއަދު، ފޯރިގަދަވާނެ!

ދި މެންގްރޫވް އައިލޭންޑް ރަށުބޯޅަ ފުޓްސަލް ކަޕް 2024 ގެ ސެމީފައިނަލް މިއަދު ހަވީރު ފަށަން ވަނީ ހަމަޖެހިފައެވެ. 

ސެމީ ފައިނަލްގެ ފުރަތަމަ މެޗް ފަށާނީ ހަވީރު 16:00 ގައެވެ. މިމެޗުގައި ބައްދަލު ކުރާނީ ކޮމެޓްސް ސްޕޯޓްސް ކްލަބް އަދި މާފަރު ފުޓްސަލް އެވެ. ކޮމެޓްސް މިމުބާރާތުގެ ސެމީ ފިނަލަށް ދަތުރު ކުރީ ގްރޫޕް އޭގެ އެއްވަނަ ޓީމުގެ ގޮތުގައެވެ. ކުޅުން ހުރިހާ މެޗަކުން މޮޅުވެ ގްރޫޕްގެ އެއްވަނާގައި ކޮމެޓްސް އޮތީ 12 ޕޮއިންޓާ އެކުގައެވެ. މާފަރު ފުޓްސަލް ސެމީ ފައިނަލަށް ދަތުރު ކުރީ ގްރޫޕް ބީގެ ދެވަނާގައި އޮވެގެންނެވެ. މާފަރު ފުޓްސަލް ގްރޫޕް ބީގެ ދެވަނާގައި އޮތީ ކުޅުން 3 މެޗުގެ ތެރެއިން 2 މެޗު ކާމިޔާބުކޮށް 6 ޕޮއިންޓާއެކުގައެވެ.

ސެމީފައިނަލްގެ ދެވަނަ މެޗުގައި ބައްދަލު ކުރާނީ ޑީޓޫ ސްޕޯޓްސް ކްލަބާއި ސިރަޕް ސްޕޯޓްސް ކްލަބެވެ. މިމެޗް ފެށުމަށް ތާވަލު ކުރެވިފައިވަނީ މިއަދު ހަވީރު 17:00 ގައެވެ. ޑީޓޫއިން ސެމީގެ ޖާގަ ހޯދީ ކުޅުން 3 މެޗުން 7 ޕޮއިންޓް ހޯދައިގެންނެވެ. ގްރޫޕް ބީގެ އެއްވަނާގައި އޮތީވެސް ޑީޓޫއެވެ. ގްރޫޕް އޭގެ ދެވަނަ ޓީމުގެ ގޮތުގައި ސެމީ ފައިނަލަށް ދަތުރު ކުރި ސިރަޕަށް ލިބިފައިވަނީ 9 ޕޮއިންޓެވެ. އެއީ އެޓީމު ކުޅުން 4 މެޗުގެ ތެރެއިން 3 މެޗު ކާމިޔާބުކޮށްގެންނެވެ. 

Advertisement

މިއަދު ސެމީފައިނަލްގެ 2 މެޗް ފަށާއިރު ރާއްޖޭގެ ފެންވަރުގައާއި ނޫނު އަތޮލު ފެންވަރުގައި ފާހަގަ ކޮށްލެވޭ ގިނަ ކުޅުންތެރިން ތަކެއް ފެނިގެން ދާނެއެވެ. އެގޮތުން ފާހަގަކޮށްލެވޭ ބައެއް ކުޅުންތެރިންގެ ތެރޭގައި އައްޒާމް، ޖުނައިދު(ޖެންނެ)، އަޔާޒް(އަޔާ)، ޝަމާލް(ޝަންމު)، އިޝާމް(ޝަންޓޭ)، ޖުމައިލް(ޖުމްބެ)، ސާދު، އައްޒާމް(އެޑު)، ހުސައިން އަބްދުالله އަދި މިނޫންވެސް ގިނަ ކުޅުންތެރިންތަކެއް ފެނިގެން ދާނެއެވެ.

ސެމީފައިނަލްގެ ދެމެޗުވެސް ކުޅެން ހަމަޖެހިފައިވަނީ ކެނދިކުޅުދޫ ފުޓުބޯޅަ ދަނޑުގައެވެ.