ރާ އަތޮޅުގެ ޗެމްޕިއަން ދުވާފަރު އަތުން ކެނދިކުޅުދޫއަށް ބޮޑު މޮޅެއް

ގޯލްޑެން ފުޓްސަލް ޗެލެންޖް 2024ގެ ޒޯން ބުރުގައި މިރޭ ރ،ދުވާފަރާއި ނ.ކެނދިކުޅުދޫ ބައްދަލު ކުރިމެޗުން ކެނދިކުޅުދޫ ކުރި ހޯދައިފިއެވެ.

މިރޭ ހުޅުމާލޭގެ ރެހެންދި ޓާފް 2ގައި ކުޅުނު ޒޯނުގެ ފުރަތަމަ މެޗުގައި 3-0ގެ ނަތީޖާއަކުން މެޗް ކާމިޔާބު ކުރީ ކެނދިކުޅުދޫގެ ތީމެެވެ. ދެ އަތޮޅުގެ އަތޮޅު ޗެންޕިއަނުން ވާދަ ކުރި މިމެޗުގައި ފޯރިގަދަ ކުޅުމެއް ފެނިގެން ދިޔައިރު މެޗްގެ ފުރަތަމަ ލަނޑު އެ ޓީމަށް ކާމިޔާބުކޮށްދިނީ ކޭ.ކޭ.އެފް.ސީގެ ޖޯޒީ ނަންބަރު 21 މުޙައްމަދު އައްޒާމްއެވެ،

ކެނދިކުޅުދޫގެ ފަރާތުން މެޗުގައި ފެނިގެން ދިޔައީ ޑިފެންސިވް ކުޅުމެކެވެ. ރޭވުންތެރި ޑިފެންސިވް ކުޅުމުގެ ތެރެއިން ލިބޭ ކައުންޓާ އެޓޭކުގައި ދުވާފަރު ގޯލަށް ނުރައްކާތެރި އެތަށް ހަމަލާތަކެއް އަމާޒު ކުރިއެވެ. ކެނދިކުޅުދޫއަށް ލިބުނު ކައުންޓާރ އެޓޭކެއްގައި އެ ޓީމްގެ ދެވަނަ ގޯލް ކާމިޔާބު ކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެންނިކުތް ޙަސަން ނިފްރާހްއެވެ. މެޗްގެ އެންމެ ފަހު ގޯލް އަދި ކެނދިުޅުދޫގެ 3 ވަނަ ލަނޑު އެ ޓީމަށް ކާމިޔާބުކޮށްދިނި މެޗުގެ މޮޅު ކުޅުންތެރިޔާފގެ މަޤާމް ހޯދި ކޭ.ކޭ.އެފް.ސީގެ ޖާޒީ ނަންބަރު 21 މުޙައްމަދު އައްޒާމްއެވެ.

Advertisement

caption

މެޗުގައި ދުވާފަރުން ވެސް އެތަށް ހަމލާތަކެއްް ކެނދިކުޅުދޫގެ ގޯލަށް އަމާޒު ކޮށްފައިވާއިރު އެ ހަމަލާތަކު ހުރަހަކަށް ވެގެން ދިޔައީ ކެނދިކުޅުދޫ ޓީމްގެ ގޯލް ކީޕަރު އިސްމާއިލް ރާއިފްއެވެ. މެޗު ނިމެންދަނިކޮށް 5 ފައުލް ހަމަވެ ދުވާފަރަށް ލިބުނު ޕެންލްޓީ ވަނީ ނާކާމިޔާބުވެފައެވެ. 

ކެނދިކުޅުދޫގެ މި މޮޅާއިއެކު ޒޯން ގުރޫޕްގެ އެއްވަނައަށް ވަނީ އަރާފައެވެ. ދެން ކޭ.ކޭ.އެފް.ސީގެ މެޗް އޮންނާނީ 16 ފެބްރުއަރީ 2024 ވާ ހުކުރު 20:00ގައި ށ.ކަނޑީތީމާއި ދެކޮޅަށެވެ. ކަނޑިތީމަކީ ށ އަތޮޅުގެ ޗެންޕިއަނުންނެވެ.