ނަމާދު ޤާއިމު ކުރަމާ: މިފަހަރުގެ މުބާރާތުގެ ޝިއާރު

Namaadhu gaaimu kuramaa: mifaharuge mubaaraathuge shiyaaru

ފޮޓޯ / ކެނދިކުޅުދޫ ކައުންސިލް

12 މާރިޗު 2023

"ނަމާދު ޤާޢިމް ކުރަމާ" މިއީ މި އަހަރުގެ ކުއާޒޯ ދި މެންގުރޫވް އައިލެންޑް ޗެންޕިއަންޝިޕް 2023 ގެ ޝިއާރު ކަމުގައި ކަނޑައަޅައިފިއެވެ.

ކުއާޒޯ ދި މެންގުރޫވް އައިލެންޑް ޗެންޕިއަންޝިޕް 2023, 4 މާރިޗްގައި ފަށާފައި ވާއިރު، އެ މުބާރާތް ފެށުމުގެ ގޮތުން އެ ދުވަހުގެ އަޞްރް ނަމާދު، ހުރިހާ ޓީމެއްގެ ކުޅުންތެރިންނާއި އޮފިޝަލް އަދި މުބާރާތް ހިންގާ ފަރާތްތައް ބައިވެރިވެގެން ބޮޑު ޖަމާޢަތުގައި ކުރިއެވެ. މި ނަމާދުގައި ޢިމާމްވެ ނަމާދުކުރީ ކޮމެޓްސް ސުޕޯޓަސް ކުލަބްގެ ޢަބްދުﷲ ސުޢާދުއެވެ.

މި ޝިއާރާއި ބެހޭ ގޮތުން ވާހަކަ ދައްކަމުން ކެނދިކުޅުދޫ ކައުންސިލްގެ ރައީސް މުހައްމަދު ރައުފު ވިދާޅުވީ، އެންމެ ފުރަތަމަ އަންނާނީ ނަމާދުކަމަށް، އަދި އަޅުގަނޑުމެން މި މުޖުތަމާޢުގެ އެންމެން، ޙާއްސަކޮށް ޒުވާނުން ނަމާދަށް އަހަންމިއްޔަތުކަން ދިނުން އިތުރުވެގެން ދިއުމަކީ އެންމެންނަށް ވެސް ހެޔޮ ބަދަލެއް އަންނާނެ ކަމެއް ކަމުގައެވެ.

މި މުބާރާތުގައި ކުޅެވޭ ހުރިހާ މެޗްއެއްގެ ކުރިއަށް، ޝެޑިއުލްގައި ވެސް އަޞްރު ނަމާދަށް ވަގުތު ކަނޑައެޅި، ޓީމްގެ ކުޅުންތެރިންނާއި އޮފިޝަލުން ދަނޑުގައި ނަމާދު ކުރުމަށް ވަނީ ހަމަޖެހިފައެވެ.