މާޅެންދޫ ކައުންސިލް ފުޓްސަލް ޗެލެންޖް: ކަބާޓާން ސްޕޯޓްސް ކުލަބުން ވަރުގަދަ ފެށުމެއް!

މާޅެންދޫ ކައުންސިލް ފުޓްސަލް ޗެލެންޖްގެ ފުރަތަމަ މެޗުގައި ކަބްޓާން އެފްޓީގެ މައްޗަށް ކަބަޓާން އެސްސީއިން ބޮޑު މޮޅެއް ހޯދައި، ފެށުން ވަރުގަދަކޮށްފިއެވެ.

މާޅެންދޫ ފުޓްސަލް ދަނޑުގައި އިއްޔެ ފެށި އެ މުބާރާތުގައި ކުޅުނު ފުރަތަމަ މެޗުން ކަބަޓާން އެސްސީ ކުރި ހޯދީ 1-6 ގެ ނަތީޖާއަކުންނެވެ. އެ މެޗުގެ މޮޅު ކުޅުންތެރިއަކަށް ހޮވިފައިވަނީ ކަބަޓާން އެސްސީގެ މުހައްމަދު ފަރުހާންއެވެ.

 

މިފަހަރުގެ މުބާރާތުގައި ޖުމުލަ ހަތަރު ޓީމަކުން ވަނީ ބައިވެރިވެފައެވެ. އެއީ އިއްޔެ ކުޅުނު ދެ ޓީމުގެ އިތުރުން ކަބަޓާން އެންޖީ އަދި ޓެމާރިއޯސް އެސްސީއެވެ. ހަތަރު ޓީމުވެސް ހުރިހާ ޓީމަކާ މެޗުތައް ކުޅޭއިރު، އެންމެ ގިނަ ޕޮއިންޓް ހޯދާ ޓީމު ފައިނަލަށް ދަތުރުކުރާނެއެވެ. ފައިނަލްގެ ދެވަނަ ޖާގަ ކަށަވަރުކުރާނީ ދެވަނަ އަދި ތިންވަނައަށް އެންމެ ގިނަ ޕޮއިންޓް ހޯދާ ދެ ޓީމުގެ ދެމެދުގައި ސެމީ ފައިނަލް މެޗެއް ކުޅެގެންނެވެ.

Advertisement

މި މުބާރާތުގައި މިއަދުވެސް ދެ މެޗެއް ކުޅުމަށް ވަނީ ހަމަޖެހިފައެވެ. އެއީ އިއްޔެގެ މެޗުން މޮޅުވި ކަބަޓާން އެސްސީ އަދި ޓެމާރިއޯސް އެސްސީ ބައްދަލު ކުރާ މެޗާއި، ކަބަޓާން އެފްސީ އަދި ކަބަޓާން އެންޖީ ބައްދަލު ކުރާ މެޗެވެ.