ހެނބަދޫ ފުޓްސަލް ފިއެސްޓަރ: އެމިގޯސް އިން ޗަމްސް ހިފަހައްޓައި ފައިނަލާއި ގާތައް

ހެނބަދޫ ކައުންސިލް ފުޓްސަލް ފިއެސްޓަރ 2023 ގައި ރޭގައި ބައްދަލު ކުރި އެމިގޯސް އިން ޗަމްސް ސްޕޯޓްސް ކުލަބް ހިފަހައްޓައި ފައިނަލާއި ގާތައް ޖެހިލައިފިއެވެ.

ފޯރިގަދަ ކުޅުމެއް ދެ ޓީމުންވެސް ކުޅެފައި ވާއިރު މެޗްގެ ފުރަތަމަ ހާފުގައި ޗަމްސްއިން ވަނީ ރަނގަޅު ފުރުސަތު ތަކެއްލިބި ގޯލެއް ކާމިޔާބު ކުރެވޭގޮތް ނުވެފައެވެ. ފުރަތަމަ ހާފު ނިމުނު އިރު ރީތި ކުޅުމެއް ކުޅެ، ލީޑްގައި އޮތީ އަމިގޯސްގެ ޓީމެވެ. ފަހު ހާފުގައި ވެސް އެމިގޯސް އިން ގިނަ ހަމަލާތަކެއް ގޯލަށް ފޮނުވާލާފައިވާއިރު އެޓީމުގެ ހުސައިން އަބުދުﷲ އަދި އަބޫބަކުރު ހިލްމީގެ ކުޅުން ފާހަގަ ކުރެވުނެވެ.

މެޗް ނިންމާލީ 5 ލަނޑު 1 ލަނޑުން އަމިގޯސް މެޗް ކާމިޔާބްކޮށްގެންނެވެ. މެޗްގެ އެންމެ މޮޅު ކުޅުންތެރިއަކަށް ހޮވިފައި ވަނީ އެމިގޯސްގެ ޖޯޒީ ނަންބަރ 23 އަބޫބަކުރު ހިލްމީއެވެ.

Advertisement