ގޯލްޑެން ފުޓްސަލް ޗެލެންޖް: މާފަރު ބަލިކޮށް ކޭ.ކޭ.އެފް.ސީ ފެށީ މޮޅަކުން

މިހާރު މާލޭގައި ކުރިއަށް ދާ ގޯލްޑެން ފުޓްސަލް ޗެލެންޖްގައި މިރޭ މާފަރު އެފް.ސީ އަދި ކެނދިކުޅުދޫ އެފް.ސީ ބައްދަލަކުރި މެޗް 1-2 ގެ ނަތީޖާ އަކުން ކުރި ހޯދާ ކެނދިކުޅުދޫގެ ޓީމް ފެށި މޮޅަކުންނެވެ.

މިރޭ ހުޅުމާލޭ ރެހެންދި ފުޓްސަލް ގުރައުންޑް 2ގައި ކުޅުނު މިމެޗް، ފެށިތާ މާ ގިނައިރުތަކެއް ނުވެ ކެނދިކުޅުދޫއިން ވަނީ ލަނޑެއް ކާމިޔާބްކޮށްފައެވެ. މި ލަނޑު އެޓީމަށް ކާމިޔާބްކޮށްދިނީ ކޭ.ކޭ.އެފް.ސީގެ ޖޯޒީ ނަންބަރު 7 އަލީ ބުޝްރީއެވެ. ވާދަވެރި ކުޅުމެއް ފެނިގެން ދިޔަ މެޗް ފުރަތަމަ ހާފް ނިމުމުގެ ކުރިން ކެނދިކުޅުދޫގެ ޓީމަށް ލީޑް ފުޅާކޮށްދިނީ އެ ޓީމްގެ މޫސާ ނަދީމް (ނައްޓި)އެވެ. 

2-0 ގެ ނަތީޖާ އަކުން ކުރިގައި އޮވެ ކޭ.ކޭ.އެފް.ސީ އިން މެޗް ފެށިއިގެން ރޭވުންތެރި ކުޅުމެއް ކުޅުނެވެ. ނަމަވެސް މާފަރުގެ ކުޅުން ރަނގަޅުކޮށް 2 ވަނަ ހާފްގެ މެދަކާއި ހިސާބުން އެ ޓީމްގެ އިރުޝާދު އަދުނާން (އޭ.ޓީ) ލަނޑެއް ޖަހާ ސޮކޯގެ ފަރަގަ ކުޑަކޮށްދިނެވެ. މެޗުގައި 2 ޓީމްގެ ފަރާތުން ވެސް ވަރުގަނދަ މޮޅު ކުޅުމެއް ދެއްކި އިރު މެޗް ނިމުނީ 1-2ގެ ނަތީޖާއިން ކެނދިކުޅުދޫގެ ޓީމް ކުރީގައި އޮވެގެންނެވެ.

Advertisement

މި މެޗުގެ މޮޅު ކުޅުންތެރިއަކަށް ހޮވިފައިވަނީ ކޭ.ކޭ.އެފް.ސީގެ ޖާޒީ ނަންބަރު 21 މުޙައްމަދު އައްޒާމްއެވެ.

މޭން އޮފް ދަ މެޗް | މުޙައްމަދު އައްޒާމް

ނޫނު އަތޮޅުގެ ގުރޫޕުގައި ކުޅުނު އަނެއް މެޗުން މިލަދޫ ވަނީ 1-3ގެ ނަތީޖާއަކުން ކުރި ހޯދާ ގުރޫޕްގެ އެއް ވަނަ އަށް އަރާފައެވެ. 

މި ގުރޫޕުގެ މެޗެއް ދެން އޮންނާނީ 21 ޖެނުއަރީ ވާ އާދިއްތަ ދުވަހުއެވެ. ކޭ.ކޭ.އެފް.ސީގެ މެޗެއް ދެން ތާވަލް ކުރެވިފައި ވަނީ 25 ޖެނުއަރީ 2024 ވާ ބުރާސްފަތި ދުވަހުގެ ރޭ 23:00ގައި ވެލިދޫއާއި ދެކޮޅަށެވެ.