ގޯލްޑެން ފުޓްސަލް ޖެލެންޖް: ކޭ.ކޭ.އެފް.ސީގެ ފުރަތަމަ ބައްޔާއިއެކު މިލަދޫ ގުރޫޕްގެ އެއްވަނައަށް

ގޯލްޑެން ފުޓްސަލް ޗެލެންޖް 2024ގެ ނޫނު އަތޮޅު ގުރޫޕުގައި ކެނދިކުޅުދޫ ފުރަތަމަ ފަހަރަށް ބަލިވެ މިލަދޫއިން ގުރޫޕްގެ އެއްވަނަ އަށް އަރައިފިއެވެ.

މިރޭ ގޯލްޑެން ފުޓްސަލް ޗެލެންޖްގައި ކެނދިކުޅުދޫ އަދި މިލަދޫ ވާދަކުރި މެޗުގައި 3-0 ގެ ނަތީޖާއަކުން ކާމިޔާބުކޮށް 7 ޕޮއިންޓާއިއެކު ވަގުތީ ގޮތުން ޕޮއިންޓް ޓާވަލްގެ އެއްވަނައަށް މިލަދޫ އަރާފައިވާ އިރު ނޫނު އަތޮޅު ގުރޫޕް ސުޓޭޖްގެ މެޗްތަށް މިލަދޫއަށް ނިމުނީއެވެ. 

މެޗްފެށިގެން، މެޗްގެ ކުރީކޮޅު 2 ޓީމްގެ ފަރާތުން ވެސް ހަމަހަމަ ކުޅުމެއް ފެނިގެންދިއައެވެ. މެޗްގެ ފުރަތަމަ ލަނޑު މިލަދޫއަށް ކާމިޔާބު ކޮށްދިނީ ހުސައިން ސައިފް މޫސާއެވެ. 1-0 ގެ ނަތާޖާއިން މިލަދޫ ކުރީގައިއޮވެ ފުރަތަމަ ހާފް ނިންމާލިއިރު، 2 ވަނަ ހާފް ފެށިގެން މިލަދޫގެ ކުޅުން އިތުރަށް ރަނގަޅު ކުރިއެވެ. ކެނދިކުޅުދޫގެ ޓީމުން ތަކުރާރުން ކޮން ހަދަމުންދިޔަ ކުށްތަކުގެ ފައިދާ ނަގާ މިލަދޫ ޓީމަށް ލީޑް ފުޅާކޮށްދިނީ އެ ޓީމްގެ މުޙައްމަދު ނާޖިހްއެވެ. މިލަދޫގެ އެޓޭކިން ކުޅުމުގެ ތެރިއިން 3 ވަނަ ލަނޑު އެ ޓީމަށް ކާމިޔާބުކޮށްދީފައި ވަނީ ޙުސައިން ޝަފީއެވެ. 

Advertisement

މެޗްގައި ލަނޑެއް ކާމިޔާބު ނުކުރި ކަމުގައިވީނަމަވެސް މެޗްގެ މޮޅު ކުޅުންތެރިޔާގެ މަޤާމް ހޯދީ މިލަދޫ ޓީމްގެ ޖޯޒީ ނަންބަރު 5 އަލީ ފަރީދުއެވެ.

caption

މި މުބާރާތުގައި ނޫނު އަތޮޅު ގުރޫޕްގެ މެޗްތަށް ދެން އޮނqނީ 1 ފެބްރުވަރީ ވާ ބުރާސްފަތި ދުވަހުގެ ރޭ 22:00 ގައެވެ. އެއް މެޗްގައި ބައްދަލު ކުރާނީ ކެނދިކުޅުދޫ އަދި ހޮޅުދޫއެވެ. އަނެއް މެޗްގައި ބައްދަލު ކުރާނީ ވެލިދޫ އަދި މާފަރެވެ. މި ދެ މެޗުން ވެސް މޮޅު ވާ ޓީމެއް ނޫނު އަތޮޅުގެ ފައިނަލްގެ ޖާގަ ކަށަވަރު ވާނެއެވެ.