ގޯލްޑެން ފުޓްސަލް ޗެލެންޖް 2024:ހޮޅުދޫ ބަލިކޮށް ކެނދިކުޅުދޫ ފައިނަލަށް

ގޯލްޑެން  ފުޓްސަލް  ޗެލެންޖް  2024ގެ  ނޫނު  އަތޮޅު  ފަހު  މެޗުގައި  ކެނދިކުޅުދޫއިން  ހޮޅުދޫ  ބަލިކޮށް  ފައިނަލްގެ  ޖާގަ  ކަށަވަރުކޮށްފިއެވެ. 

ދެޓީމަށް  ވެސް  މޮޅުވުން  މަޖުބޫރު  މިމެޗުގައި  ވާދަވެރި  ކުޅުމެއް  ފެނިގެން  ދިއައެވެ.  ދެޓީމްގެ  ފަަރާތުން  ވެސް  ގިނަ  ހަމަލާތަކެއް  ފެނިގެންދިޔައިރު،  މެޗުގެ  ފުރަތަމަ  ހާފު  ނިންމާލީ  އެއްވެސް  ޓީމެއްގެ  ފަރާތުން  ލަނޑެއް  ނުފެނިއެވެ. 

މެޗުގެ  ދެ ވަނަ  ހާފުގައި  2  ޓީމަށް  ވެސް ގޯލް  ޖަހާނެ  ގިނަ  ފުރުސަތުތަކެއް  ލިބިގެންދިއައެވެ.  މެޗުގައި  ފެނިގެން  ދިޔަ  ހަމަ  އެކަނި  ލަނޑު  ކޭ.ކޭ.އެފް.ސީ  އަށް  ކާމިޔާބްކޮށް  ދިނީ  އެޓީމްގެ  ޖޯޒީ  ނަންބަރު  21  މުޙައްމަދު  އައްޒާމްއެވެ. 

Advertisement

މި  މެޗުގެ  މޮޅު  ކުޅެންތިރިއަކަށް  ހޮވިފައި  ވަނީވެސް  މުޙައްމަދު  އައްޒާމްއެވެ. 

 

މި  މުބާރާތުގު  ނޫނު  އަތޮޅު  ފައިނަލްގައި  6  ފެބްރުއަރީ  2024ވާ  އަންގާރަ  ދުވަހުގެ  ރޭ  23:00ގައި  ކެނދިކުޅުދޫ  އާއި  މާފަރު  ބައްދަލު  ކުރާނެއެވެ.  މާފަރު  މުބާރަތުގެ  ފައިނަލަށް  ގޮސްފައިވަނީ  މިރޭ  ވެލިދޫއާއި  ބައްދަލުކުރި  މެޗުން  7-2  ގެ  ނަތީޖާއަކުން  މެޗް  ކާމިޔާބްކޮށްގެންނެވެ.