ފަހަތުން އަރައި ޑަކް ސިޓީ ބަލިކޮށް ކޮމެޓްސް އެއްވަނައަށް

ކުއާޒޯ ދި މެންގުރޫ އައިލެންޑް ޗެންޕިއަންޝިޕް 2023"ގެ 3 ވަނަ މެޗުގައި ފަހަތުން އަރައި 3-1 ގެ ނަތީޖާއަކުން ޑަކްސިޓީގެ މައްޗަށް ކުރި ހޯދައި ކޮމެޓްސް ސުޕޯޓްސް ކުލަބް ތާވަލުގެ އެއްވަނައަށް ޖެހިލައިފިއެވެ.

މިއަދު ހަވީރު ކުޅުނު މި މެޗްގެ ފުރަތަމަ ހާފުގައި ދެ ޓީމުން ކުރެން އެއް ޓީމަކަށް ވެސް ލަނޑެއް ކާމިޔާބު ކުރެވިފައެއް ނުވެއެވެ. ފުރަތަމަ ހާފުގެ ފޯރި ގަދަ ކުޅުމަށް ފަހު 2 ވަނަ ހާފުގެ 14 ވަނަ މިނެޓްގައި (މެޗުގެ 59 ވަނަ މިނެޓް)، ކޮމެޓެސްގެ ރިފުނާން ކުރި ފައުލަކާ ގުޅިގެން ޑަކް ސިޓީ އަށް ލިބުނު ޕެނެލްޓީ ގޯލަށް ވައްދާލީ އެ ޓީމްގެ ޖޯޒީ ނަންބަރު 32 މޫސާ ހަލީމްއެވެ.

ޑަކް ސިޓީގެ ގޯލަށްފަހު ކޮމެޓްސް ސުޕޯޓަސްއިން ކުޅުން ރަނގަޅުކޮށް މެޗްގެ ނަތީޖާ ހަމަ ހަމަ ކޮށްދިނީ އައްޒާމް ގެ ފުރަތަމަ ގޯލުންނެވެ.

Advertisement

މި މެޗްގައި މޮޅު ކުޅުމެއްދެއްކި ކޮމެޓްސްގެ ޖޯޒީ ނަންބަރު 21 މުހައްމަދު އައްޒާމް އޭގެ 2 މިނެޓް ފަހުން ކޮމެޓްސްއަށް މެޗްގެ ލީޑް ހޯދައި ދިނީ މޮޅު ގޯލަކުންނެވެ. މެޗްގެ ފުރިހަމަ ވަގުތު ހަމަވެ އިތުރު ވަގުތުގެ ތެރޭގައި ދެ ކުޅުންތެރިން ގާތުން ދެމިގަނެ، ކީޕަރުވެސް ނައްޓާލުމަށް ފަހު ރީތި ގޯލަކާއިއެކު ކޮމެޓްސްއަށް އިތުރަށް ލީޑް ފުޅާކޮށް ދިނީ އެ ޓީމްގެ ޖޯޒީ ނަންބަރު 29, ޢަބްދުﷲ ސުޢާދުއެވެ.

މެޗްގައި ތަފާތު ކުޅުމެއް ދައްކާ މޭން އޮފް ދަ މެޗް ހޯދި ކޮމެޓްސްގެ މުޙައްމަދު އައްޒާމް ބުނީ މި އަދުގެ މޮޅު ދޭނީ އެ ޓީމްގެ ތާޑޭ އަށާއި ސަޕޯޓަރުންނަށް ކަމަށެވެ.

މި މުބާރާތުގެ މި މޮޅާއި އެކު ކޮމެޓްސްއަށް ފައިނަލުގެ ފުރުސަތު ފަހިވެފައިވާއިރު، މާދަމާގެ މެޗުގައި ބައްދަލު ކުރާ 2 ޓީމް ފިފްޓީ ފިފްޓީ އަދި ވަތުއޮޑީ ޓައިޓަންސްއަށް ވެސް ފައިނަލަށް ދިޔުމުގެ ފުރުސަތު އެބަ އޮތެވެ.