ޔޫރޯ 2024: ގްރޫޕް އީ އިން ރޯމޭނިއާ، ބެލްޖިއަމް އަދި ސްލޮވާކިއާ ގަދަ 16 އަށް

ގްރޫޕް އީ އިން ރޯމޭނިއާ، ބެލްޖިއަމް އަދި ސްލޮވާކިއާ ގަދަ 16 އަށް ދަތުރު ކޮށްފިއެވެ.

މިގްރޫޕުގައި ހިމެނެނީ ބެލްޖިއަމް، ރޯމޭނިއާ، ސްލޮވާކިއާ އަދި ޔުކްރެއިން އެވެ.

މިގްރޫޕުގެ އެންމެ ފަހު ދެމެޗުގައި ކުޅުނީ ބެލްޖިއަމް އާއި ޔުކްރެއިން އެވެ. ދެން ބައްދަލު ކުރީ ސްލޮވާކިއާ އަދި ރޯމޭނިއާ އެވެ. ދެމެޗުވެސް ނިމިގެން ދިޔައީ ނަތީޖާ އެއްވަރު ވެގެންނެވެ.

Advertisement

ބެލްޖިއަމް އަދި ޔުކްރެއިން ބައްދަލުކުރި މެޗު ނިމިގެން ދިޔައީ 0-0 ގެ ނަތީޖާ އަކުންނެވެ. 

ބެލްޖިއަމް މެޗުގައި ގިނަ ވަގުތު ވަނީ ބޯޅަ ގެންގުޅެފައެވެ. ނަމަވެސް ޔުކްރެއިން އިން ވަނީ ބެލްޖިއަމްގެ ގޯލަށް ނުރައްކާކޮށް ގިނަ ހަމަލާތަކެއް ފޮނުވާލާފައެވެ. މިނަތީޖާ އިން މެޗު ނިމުމުން ޔުކްރެއިންއަށް ވަނީ މުބާރާތް ނިންމާލަން ޖެހިފައެވެ.

ބްލޖިއަމް އަދި ޔުކްރެއިން ބައްދަލު ކުރި މެޗުގެ މޮޅު ކުޅުންތެރިއަކީ ބެލްޖިއަމްގެ ކެޕްޓަން ކެވިން ޑިބްރުއިނާ އެވެ.

ސްލޮވާކިއާ އަދި ރޯމޭނިއާ ވާދަކުރި މެޗު ނިމުނީ 1-1 ގެ ނަތީޖާ އަކުންނެވެ.

މެޗުގައި ފުރަތަމަ ގޯލް ޖަހާ ލީޑު ނެގީ ސްލޮވާކިއާ އިންނެވެ. އެއީ މެޗުގެ 24 ވަނަ މިނެޓުގައި އޮންޑްރެޖް ޑޫޑާ ފޮނުވާލި ބޯޅަ ގޯލް ތެރެއަށް ވަށްދާލާގެންނެވެ. ސްލޮވާކިއާ އިން ލީޑު ނެގިތާ 13 މިނެޓު ފަހުން ރޯމޭނިއާއިން ވަނީ މެޗުގެ ނަތީޖާ ހަމަހަމަ ކޮށްފައެވެ. މިގޯލް ކާމިޔާބު ކޮށްދިނީ ލިބުން ޕެނަލްޓީ އަކުން ރަޒްވާން މަރިން އެވެ.

ސްލޮވާކިއާ އަދި ރޯމޭނިއާ ބައްދަލުކުރި މެޗުގެ މޮޅު ކުޅުންތެރިއަކަށް ހޮވުނީ ސްލޮވާކިއާގެ ސްޓަނިސްލަވް ލޮބޮޓްކާއެވެ.

މިގްރޫޕުގެ ހުރިހާ މެޗެއް ނިމުން އިރު ޕޮއިންޓްގެ ގޮތުން ހުރިހާ ޓީމެއްވަނީ އެއްވަރު ވެފައެވެ. ތާވަލުގެ އެއްވަނާގައި ގަދަ 16 އަށް ދަތުރު ކުރީ ރޯމޭނިއާއެވެ. ދެވަނާގައި ނިންމާލީ ބެލްޖިއަމްއެވެ. މިދެޓީމުގެ ފައިދާ ގޯލުވެސް ވަނީ އެއްވަރު ވެފައެވެ. އެހެންކަމުން ރޯމޭނިއާ 1 ވަނާގައި އޮތީ ބެލްޖިއަމްއަށް ތުރެއް ގިނައިން ގޯލް ޖަހާގެންނެވެ. ރޯމޭނިއާގެ ފަރާތުން 4 ގޯލް ފެނިގެން ދިޔަ އިރު، ގްރޫޕް ސްޓޭޖް ނިމުން އިރު ބެލްޖިއަމް އަށް ކާމިޔާބުކުރެވުނީ 2 ގޯލެވެ.

މިގްރޫޕުގައި ވާދަކުރި ސްލޮވާކިއާވެސް ވަނީ މުބާރާތުގެ ގަދަ 16 އަށް ދަތުރު ކޮށްފައެވެ. ސްލޮވާކިއާއަށް ފައިދާ އެއްވެސް ގޯލެއް ނެތެވެ. ނަމަވެސް 4 ވަނާގައި އޮތް ޔޫކްރެއިންގެ މައިނަސް 2 ގޯލް އިނުމުން ސްލޮވާކިއާ އަށް ވަނީ 3 ވަނަ ލިބިފައެވެ.

ގަދަ 16 ގައި ގްރޫޕުގެ 1 ވަނާގައި ދިޔަ ރޯމޭނިއާ ބައްދަލު ކުރާނީ ގްރޫޕް އޭ، ސީ، ޑީ އިން 3 ވަނާގައި ދާ ޓީމުތަކުގެ ތެރެއިން ޓީމަކާއެވެ.

ގްރޫޕުގެ 2 ވަނާގައި ނިންމާލުމުން، ބެލްޖިއަމް ކުރިމަތިލާން ޖެހޭނީ ފްރާންސް އާއެވެ.

ސްލޮވާކިއާ ނިކުންނާނީ ސްޕެއިން ނުވަތަ އިންގްލޭންޑް އާ ދެކޮޅަށެވެ.

ގަދަ 16 ގެ މެޗުތައް ފަށާނީ 29 ޖޫން 2024 ވާ ހޮނިހިރި ދުވަހު 21:00 ގައެވެ.