ޔޫރޯ 2024: ގްރޫޕް ސީ ގައި ކުޅުނު ދެ މެޗް އެއްވަރުވެ، އިންގްލޭންޑް، ޑެންމާކް އަދި ސްލޮވޭނިއާ ގަދަ 16 އަށް

ގްރޫޕް ސީ ގައި ކުޅުން ދެމެޗް އެއްވަރު ވެގެން ނިމިއްޖެއެވެ.

އިންގްލޭންޑް ބައްދަލުކުރީ ސްލޮވާކިއާއާއެވެ. ޑެންމާކް ނިކުތީ ސާބިއާ އާ ދެކޮޅަށެވެ. ދެމެޗްވެސް ނިމުނީ 0-0 ގެ ނަތީޖާ އިންނެވެ.

ގްރޫޕްގެ 1 ވަނާގައި އިންގްލޭންޑް 5 ޕޮއިންޓާއެކު އޮތް އިރު، ތާވަލުގެ ދެވަނާގައި އޮތް ޑެންމާކަށްވެސް ލިބިފައިވަނީ 5 ޕޮއިންޓެވެ. އިންގްލޭންޑް 1 ވަނާގައި އޮތީ ފައިދާ ގޯލުންނެވެ. ސްލޮވޭނިއާ ވަނީ ކުޅުން 3 މެޗުންވެސް އެއްވަރުވެ 3 ޕޮއިންޓް ހޯދާފައެވެ. ތާވަލުގެ ފުލުގައި އޮތް ސާބިއާ މުބާރާތް ނިންމާލީ ކުޅުން 3 މެޗުން 2 ޕޮއިންޓާއެކު އެވެ.

Advertisement

އިންގްލޭންޑް އަދި ސްލޮވާކިއާ ބައްދަލު ކުރި މެޗްގެ މޮޅު ކުޅުންތެރިއަކަށް ހޮވުނީ ސްލޮވޭނިއާގެ މިޑްފިލްޑާ އެޑަމް ނެޒްޑާ ސެރިން އެވެ.

ޑެންމާކް އަދި ސާބިއާ ވާދަކުރި މެޗުގެ މޮޅު ކުޅުންތެރިޔަކީ ޑެންމާކްގެ ކްރިސްޓިއަން އެރިކްސަންއެވެ.

ގަދަ 16 ގައި އިންގްލޭންޑް ބައްދަލު ކުރާނީ ގްރޫޕް ޑީ، އީ، އެފް އިން 3 ވަނަ އަށް ދާ ޓީމާއެވެ. ގްރޫޕް ޑީގެ 3 ވަނަ ނެދަލޭންޑްސްއަށް ލިބިފައިވާއިރު، ގްރޫޕް އީ އަދި ގްރޫޕް އެފްގެ މެޗުތައް ފަށާނެއެވެ. 26 ޖޫން 2024 ވާ ބުދަ ދުވަހުގެ ރޭ 21:00 ގައި ގްރޫޕް އީ ގެ ފަހުދެމެޗްގެ ކުޅުން ފެށޭނެއެވެ. ގްރޫޕް އެފް ގެ ފަހު ދެމެޗް ފެށޭނީ 27 ޖޫން 2024 ވާ ބުރާސްފަތި ދުވަހު 00:00 ގައެވެ.

ޑެންމާކް ގަދަ 16 އަށް ދަތުރު ކުރީ ގްރޫޕުގެ 2 ވަނާގައެވެ. ގަދަ 16 ގައި ފެނިގެންދާނީ ޖަރުމަނު އަދި ޑެންމާކުގެ ކުރިމަތިލުމެކެވެ.

ސްލޮވާކިއާ ވާދަކުރާނީ ޕޯޗުގަލް ނުވަތަ ގްރޫޕް އީ އިން 1 ވަނާގައި ދާ ޓީމާއެވެ. ގްރޫޕް އީގައި ހިމެނެނީ ބެލްޖިއަމް، ސްލޮވާކިއާ، ރޯމޭނިއާ އަދި ޔުކްރެއިން އެވެ.