ޔޫރޯ 2024: ބައިކޮޅަށް ވަތް ގޯލާއެކު އޮސްޓްރިއާ އަތުން ފްރާންސްއަށް ހަނި މޮޅެއް

ބައިކޮޅަށް ވަތް ގޯލާއެކު އޮސްޓްރިއާ އަތުން ފްރާންސް ހަނި ގޮތަކަށް މޮޅުވެއްޖެއެވެ.

މިރޭ ކުޅުނު ގްރޫފް ޑީ ގެ މެޗުގައި އޮސްޓްރިއާގެ މައްޗަށް ފްރާންސް ކުރިހޯދީ 1-0 ގެ ނަތީޖާއަކުންނެވެ.

މިމެޗުގައި ދެޓީމުގެ ފަރާތުންވެސް ރަނގަޅު ކުޅުމެއް ފެނިގެން ދިޔައިރު، ދެޓީމުގެ ފަރާތުން ފެނިގެން ދިޔައީ އެޓޭކިންގ ގޭމް އެކެވެ.

Advertisement

މެކްސިމިލިއަން ވޯބާ އަތުން ބައިކޮޅަށް ވަތް ގޯލުވީ މިމެޗުގައި ފްރާންސް ލީޑު ނެގި ގޯލަށެވެ. އެގޯލް ބައިކޮޅަށް ވަދުނީ މެޗްގެ 38 ވަނަ މިނެޓުގައި ދާދި ފަހަކުން ސްޕެއިންގެ ރިއާލް މެޑްރިޑްއަށް ބަދަލުވި ކިލިއަން އެމްބަޕޭ ނަގާދިން ހުރަހެއް ވޯބާ ބޮލުން ދިފާއުކުރަން އުޅުމުގެ ތެރޭގައެވެ.

މި މެޗްގެ މޮޅު ކުޅުންތެރިޔާއަށް ހޮވިފައިވަނީ ފްރާންސްގެ އެންގޯލޯ ކާންޓޭއެވެ.

ފްރާންސް ޔޫރޯއަށް ކޮލިފައިވީ ކޮލިފައިން ރައުންޑްގައި ކުޅުން ގްރޫޕްގެ އެއްވަނަ ޓީމުގެ ގޮތުގައެވެ. އޮސްޓްރިއާ މިމުބާރާތައް ކޮލިފައިވީ ގްރޫޕްގެ ދެވަނައިގައެވެ.

ގްރޫފް ޑީ ގައި ދެން ހިމެނޭނީ ނެދަލޭންޑްސް އަދި ޕޮލޭންޑެވެ. ޖޫން 16 ގައި މިދެޓީމު ބައްދަލުކުރި މެޗް ނިމުނީ 2-1 ގެ ނަތީޖާއަކުން ޕޮލޭންޑްގެ މައްޗަށް ނެދަލޭންޑްސް އިން ކުރި ހޯދައިގެންނެވެ.