ވިހެއުމަށްފަހު ދަރިފުޅު ކޮތަޅަކަށް ލައި އެއްލާލި މަންމަ ހައްޔަރުކުރިކަމަށް ބުނެވުނީ އޮޅުމަކުން: ފުލުހުން

''Viheumah fahu dharifulhu kothalhakah lai ehlaali mamma hayyaru kurikamah bunee olhumakun''

އދ. ދިގުރަށު ވޭސްޓް މެނޭޖުމަންޓް ސެންޓަރަށް ކުނި ބާލަނީ.-- ފޮޓޯ: ހަފްސީ

3 ޑިސެންބަރު 2023

އދ. ދިގުރަށުގެ ކުނިގޮނޑުން މިއަދު ކޮތަޅަކަށްލައިފައި އޮތް ކުއްޖެއްގެ މަންމަ ކަމަށް ބުނާ ލަންކާ އަންހެނެއް އެއާޕޯޓުން ހައްޔަރުކުރި ކަމަށް ބުނެވުނީ އޮޅުމަކުން ކަމަށް ފުލުހުން ބުނެފިއެވެ.

ދިގުރަށުން ވާހަކަދެއްކި ބައެއް މީހުން ބުނި ގޮތުގައި، އެ ކުއްޖާ އަކީ އެ ރަށު ގެސްޓް ހައުސްއެއްގައި މަސައްކަތްކުރާ ބިދޭސީ އަންހެނަކު ވިހެއި ކުއްޖެއް ކަމަށް ތުހުމަތު ކުރެވެ އެވެ. އެ ކުއްޖާ އޮތީ ކުނި އުކަން ބޭނުންކުރާ ކަޅު ކޮތަޅެއްގެ ތެރޭގަ އެވެ. އެއީ ފޫޅު ވެސް ނުކަނޑާ އޮތް ކުއްޖެކެވެ.

އެފަހުން މިއަދު މެންދުރުފަހު ކުޑަކުއްޖާގެ މަންމަކަމަށް ބުނާ މީހާ ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި ހުއްޓާ ހައްޔަރުކޮށްފައިވާ ކަމަށް ފުލުހުން ވަނީ ބުނެފައެވެ. އެހެންނަމަވެސް, ފުލުހުން ފަހުން ވަނީ އެ މީހާ ހައްޔަރު ކުރެވުނު ކަމަށް ބުނެވުނީ އޮޅުމަކުން ކަމަށް ބުނެފަ އެވެ. އަދި, އެ މީހާ ހައްޔަރު ކުރުމަށް މަސައްކަތް ކުރަމުންދާ ކަމަށް ވެސް ފުލުހުން ބުންޏެވެ.