އުންމީދީ ދަތުރުފުޅުގައި ތުރުކީގެ ރައީސް އުރުދުގާންއާ ރައީސް މުއިއްޒު ބައްދަލުކުރައްވައިފި

Ummeedhee dhathurugai Turkey ge raees Erdoğan aa raees Muizzu bahdhalukuravvaifi

ތުރުކީގެ ރައީސް އުރުދުޣާން (ކ) އަދި ރައީސް ޑރ. މުހައްމަދު މުއިއްޒު -- ތުރުކީ ރައީސް އޮފިސް

27 ނޮވެންބަރު 2023

ރައީސް ޑރ. މުހައްމަދު މުއިއްޒު ހުވާކުރެއްވުމަށްފަހު ކުރައްވާ ފުރަތަމަ ރަސްމީ ދަތުރުފުޅުގައި ތުރުކީއަށް ވަޑައިގެން، އެގައުމުގެ ރައީސް ރަޖަބް ތައްޔިބް އުރުދުޣާނާއި ބައްދަލުކުރައްވައިފިއެވެ.

ރައީސް މުއިއްޒާއި އަނބިކަނބަލުން ސާޖިދާ މުހައްމަދު ތުރުކީއަށް ކުރައްވާ ރަސްމީ ދަތުރުފުޅެއްގައި ފުރާވަޑައިގަތީ އިއްޔެއެވެ.

ތުރުކީގެ ރައީސް އޮފީހުން އެކްސްގައި ކޮށްފައިވާ ޕޯސްޓެއްގައި މިރޭ ބުނީ ތުރުކީގެ ރައީސް އޮފީހުގައި އެގައުމުގެ ރައީސް އުރުޣާން، ރާއްޖޭގެ ރައީސް ޑރ. މުއިއްޒާ ބައްދަލުކުރައްވާފައިވާ ކަމަށެވެ. އެ ބައްދަލުކުރެއްވުމުގެ ތަފްސީލެއް ތުރުކީގެ ރައީސް އޮފީހުން ވެސް އަދި ރާއްޖޭގެ ރައީސް އޮފީހަކުން ވެސް ހާމައެއް ނުކުރެއެވެ.

ރައީސް އޮފީހުން މިއަދު ބުނީ ރައީސްގެ ދެކަނބަލުން ތުރުކީވިލާތަށް ކުރައްވާ އެ ދަތުރުފުޅަކީ އެގައުމުގެ ރައީސް ރަޖަބް ތައްޔިބް އުރްދުޣާންގެ ދައުވަތަކަށް ކުރައްވާ ދަތުރުފުޅެއް ކަމަށެވެ.

ރައީސުލްޖުމްހޫރިއްޔާގެ މި ދަތުރުފުޅުގައި ތުރުކީވިލާތުގެ ސަރުކާރުގެ އިސް އޮފިޝަލުންނާ ބައްދަލުކުރައްވައި ދެގައުމުން އިސްކަންދޭ މުހިންމު ދާއިރާތަކުން އެއްބާރުލުން އިތުރުކުރެވިދާނެ ގޮތްތަކާ ގުޅޭގޮތުންނާއި، ދެގައުމުގެ ދޭދޭ ގުޅުން އިތުރަށް ބަދަހި ކުރެވިދާނެ ގޮތްތަކާ ގުޅޭގޮތުން މަޝްވަރާކުރެއްވުމަށް ހަމަޖެހިފައިވެއެވެ.

މި ދަތުރުފުޅުގައި އެމަނިކުފާނުގެ އަރިހުގައި ސަރުކާރުގެ މަތީފަންތީގެ ވަފުދެއް ބައިވެރިވެވަޑައިގަންނަވައެވެ.