ށ އަތޮޅުން ފެށިގެން ފ އަތޮޅަށް އޮރެންޖު އެލާޓު

ށ އަތޮޅުން ފެށިގެން ފ އަތޮޅަށް އޮރެންޖު އެލާޓު ނެރެފި އެވެ. 

އޮރެންޖު އެލާޓު ނެރެފައިވަނީ މިރޭ 10:30 އާ ހަމައަށެވެ. 

މޫސުމާ ބެހޭ ގައުމީ އިދާރާއިން ހާމަކުރާ ގޮތުގައި މި ސަރަހައްދުތަކަށް ބޯކޮށް ވާރޭވެހި، ގަޑިއަކު 34 މޭލާއި 40 މޭލާ ދެމެދުގެ ބާރުމިނުގައި ވައި ޖެހޭނެ އެވެ. އަދި ވިލާގަނޑުގައި ގަޑިއަކު 60 މޭލަށް ވައި ގަދަވެ، ކަނޑުތައް ވަރަށް ގަދަވާނެ ކަމަށްވެސް ލަފާ ކޮށްފައިވެ އެވެ. 

Advertisement

ކުރިއަށް އޮތް 48 ގަޑިއިރުވެސް ރާއްޖޭގެ އެކި ހިސާބުތަކަށް ބޯކޮށް ވާރޭ ވެހޭނެކަމަށް އެ އިދާރާއިން ލަފާކުރެ އެވެ. 

މޫސުން ގޯސްވެ ގަދަ ވަޔާއެކު ކަނޑުތައް ގަދަ ދުވަސްކޮޅަކަށް ވާތީ މޫސުމަށް ސަމާލުވުމަށް އެއިދާރާއިން އިލްތިމާސްކުރެއެވެ. ހާއްސަކޮށް ކަނޑުދަތުރު ކުރާއިރު ކޮންމެހެން ކުރަން ޖެހޭ ދަތުރެއް ނޫނީ ނުކުރުމަށް އެއިދާރާއިން އެދިފައިވެއެވެ.