އާރުޑީސީއިން ކެނދިކުޅުދޫގައި 23 ވަޒީފާއަކަށް ހުޅުވާލައިފި

ރޯޑް ޑިވެލޮޕްމެންޓް ކޯޕަރޭޝަނުން ނ.ކެނދިކުޅުދޫގައި ހިންގާ މަގު ހެދުމުގެ ޕްރޮޖެކްޓާ ގުޅިގެން 23 ވަޒީފާއަކަށް މީހުން ހޯދުމަށް ހުޅުވާލައިފިއެވެ.

ކެނދިކުޅުދޫގެ މަގު ހެދުމުގެ ޕްރޮޖެކްޓަށް ގިނަ އަދަދެއްގެ ކޮންޓްރެކްޓް ސްޓާފުން ހޯދުމަށް މިދިޔަ ބުދަ ދުވަހު ވަނީ ދިވެހި ސަރުކާރުގެ ގެޒެޓުގައި ޝާއިޢު ކޮށްފައެވެ. އެގޮތުން 11 ވަޒީފާއަކަށް 23 މީހުން ހޯދުމަށް ގެޒެޓުގައި ވަނީ އިއުލާންކޮށްފައެވެ.

މި މަޝްރޫޢުގެ ދަށުން ރަށުގެ 3.7 ކިލޯމީޓަރުގެ މަގު ތާރުއަޅާ ތަރައްޤީކުރާނެއެވެ. އަދި މަގުތަކުގައި ފެންހިންދާ ނިޒާމު ޤާއިމުކޮށް މަގުބައްތި ޖެހުމުގެ މަސައްކަތް ކުރާނެއެވެ. މި މަޝްރޫޢަށް 90.8 މިލިއަން ރުފިޔާ ޚަރަދުވާއިރު، މަޝްރޫޢު ނިންމުމަށް އެކުންފުންޏަށް ދީފައިވަނީ 540 ދުވަހުގެ މުއްދަތެކެވެ.

Advertisement

މި ޕްރޮޖެކްޓާ ގުޅިގެން މީހުން ހޯދުމަށް އިއުލާން ކޮށްފައިވާ ވަޒީފާތައް:

1. ސުޕަވައިޒަރ - 1
2. ޕްރޮޖެކްޓް އެސިސްޓެންޓް - 1
3. އިލެކްޓްރިޝަން - 1
4. އެސިސްޓެންޓް ވެލްޑަރ - 1
5. އެސިސްޓެންޓް ކާޕެންޓަރ - 1
6. މޭސަން - 1
7. ލޮރީ ޑްރައިވަރ - 1
8. އެސްކަވޭޓަރ އޮޕަރޭޓަރ - 1
9. ހެވީ ވެހިކަލް އޮޕަރޭޓަރ - 1
10. ސެކިއުރިޓީ ގާޑް - 4
11. ސަޕޯޓް ސްޓާފް - 10

މިވަޒީފާތަކަށް އެދޭ ފަރާތްތަކުން، އެޕްލިކޭޝަން ފޯމް ފުރިހަމަކުރުމަށްފަހު، 14 ޖޫން 2023 ވާ ބުދަ ދުވަހުގެ 12:00 ގެ ކުރިން، ރޯޑް ޑިވެލޮޕްމެންޓް ކޯޕަރޭޝަންގެ ހެޑް އޮފީހަށް ނުވަތަ އެ އިދާރައިގެ ހިއުމަން ރިސޯސް ޑިޕާޓްމަންޓުގެ އީ މެއިލް [email protected]  އަށް ފޮނުވަން ވަނީ އެދިފައެވެ.

ހުށަހަޅަންޖެހޭ ލިޔުންތައް: 

1. ފުރިހަމަ ކޮށްފައިވާ ވަޒީފާއަށް އެދޭ ފޯމު.
2. ތަޢުލީމީ ނުވަތަ އެ މަޤާމަކާއި ގުޅޭ ލިޔުން ހުށަހަޅަން ޖެހޭ މަޤާމުތަކުގެ ލިޔުންތައް.
3. ދިވެހި ރައްޔިތެއްކަން އަންގައިދޭ ކާޑުގެ ކޮޕީ  (މުއްދަތު ހަމަނުވާ)
4. ވަޒީފާއެއް އަދާކޮށްފައިވާނަމަ، އަދާކޮށްފައިވާ ވަޒީފާ، ވަޒީފާގެ މުއްދަތު އަދި ވަޒީފާގެ މަސްއޫލިއްޔަތު ބަޔާންކޮށް އެ އޮފީހަކުން ދޫކޮށްފައިވާ ލިޔުން. ނުވަތަ ވަޒީފާ އަދާކުރިގޮތް އަންގައިދޭ ލިޔުމެއް.
5. ދޫކުރިފަހުން ތިން މަސްދުވަސް ހަމަނުވާ ޕޮލިސް ރިފޯޓް.

މި މަޤާމުތަކަށް މީހުން ހޮވުމަށް ކުރެވޭ އިންޓަވިއު އޮންނާނީ ޖޫން މަހުގެ ތާރީޚެއްގައެވެ.