ރާޅެއް އަރާ ލީޖަން ލޯންޗް އަޑިއަށް ގޮށްސި!

މާލެއިން ނޫނު އަތޮޅަށް ދަތުރުކުރުމުން ދިޔަ "ލީޖަން 7" ލޯންޗް ރާޅެއް އަރާ ދިޔަވަމުން ގޮސް އަޑިއަށް ހިނގައްޖެއެވެ.

މިއަދު ހެނދުނު މާލެއިން ފުރައިގެން ނޫނު އަތޮޅަށް ދަތުރު ކުރަމުން ދިޔަ ލީޖަން 7 ލޯންޗް، އަށް ރާޅެއް އަރާ އަޑިއަށް ދާ ކަމުގެ ރިޕޯޓް އެމް.އެން.ޑީ.އެފް އަށް ލިބިފައި ވަނީ މިއަދު ހެނދުނުގެ 11:50 ހާ އިރުކަމަށް އެމް.އެން.ޑީ.އެފްގެ ނޮދާން ކޮމާންޑުން މަޢުލޫމާތު ދީފާވެއެވެ. ލޯންޗް އަޑިއަށް ދާން ފެށިކަމުގެ ރިޕޯޓް ލިބުނު އިރު ލޯންޗް އޮތީ ނ.އަތޮޅުގެ ރަންދެލި ރިސޯޓް ކައިރީގައެވެ. 

ލޯންޗް ދިޔަވާން ފެށުމުން، ލޯންޖުގައި ތިބި 30 ފަސިންޖަރުންނާއި ސާމާނާއިއެކެ ސަލާމަތުން ރަންދެލި ރިސޯޓް ގެނެވިިފައިވެއެވެ.

Advertisement

ލޯންޗުން ދަތުރު ކުރި އެެއްވެސް ފާރާތަަކަށް އަދި މުދަލަކަށް އެވެސް ގެއްލުމެއް ލިބިފައި ނުވާ އިރު، އަޑިއަށް ގޮސްފައިވާ ލޯންޗް ފުން ކުރުމަށްޓަކައި ރަންދެލި ރިސޯޓުގެ ފަޅުތެރެެއަށް ގެނެވުނު ފަހުން ލޯޏްްޗް ފުށުން ޖަހާލާފައިވާކަމަށް އެމް.އެން.ޑީއެފްގެ ނޮދާން ކޮމާންޑުން ބުނެފައިވެއެވެ.

މޯލްޑިވްސް މީޓްރޮލޯޖިކަލް ސެންޓަރުން މިއަދު، ހއ އަތޮޅުން ފެށިގެން ފ އަތޮޅަށް ވައިޓް އެލާޑް ނެރެފައިވެއެވެ. މޫސުން ގޯސް މި ދުވަސްތަކުގައި ކަނޑު ދަތުރުގެ ކުރުމުގައި ޙާއްސަ ސަމާލުކަމެއް ދިނުމަކީ މުހިންމު ކަމެކެވެ.