‎ރާއްޖެތެރެ ތަރައްގީ ކުރުމުގެ ސިޔާސަތެއް ނެތް ޑރ. މުޢިއްޒުގެ ވައުދުތައް މާލެއަށް އޮއްސާލައިފި!

Raajje there tharahqee kurumuge siyasatheh nei Dr. Muizzu ge vaudhuthah Male ah ossalaifi!

ހިޔާ ފުލެޓަށް ފޯމު ހުށައެޅުން ކުރިއަށް ދަނީ!

13 ސެޕްޓެންބަރު 2023

މަރުކަޒީ ތަރައްގީގެ ސިޔާސަތުތަކެއް ގެންގުޅޭ ޕީޕީއެމް/ޕީއެންސީގެ ރިޔާސީ ކެނޑިޑޭޓް ޑރ. މުޢިއްޒުގެ ވައުދުތައް މާލެއަށް އޮށްސާލައިއެވެ. ގްރޭޓަރ މާލެ ރީޖަންގެ އިތުރުން މާލޭއިން އުތުރުގަ އާރބަން ރީޖަންއަކާއި ދެކުނގައި އާރބަން ރީޖަންއެއް ތަރައްގީ ކުރުމުގެ ވިސްނުން ގެންގުޅޭ ޑރ. މުޢިއްޒު އިއްޔެއާއި މިއަދު ބޭއްވި ކެންޕެއިން ހަރަކާތް ތަކުގައި މާލޭގެ ހުރިހާ މަގެއް ހެދުމަށާއި ހިޔާ ފުލެޓް ތަކަށް ވަނުމަށް ކުރި ހޭދަ އަނބުރާ ދޭން ވައުދު ވެފައިވެއެވެ.

ނަމަވެސް މުޢިއްޒުގެ ހައުސިން މިނިސްޓަރުކަމުގައި ގާކޮށިން ފްލެޓު ލިބުނެ މީހުނަށް 30،000ރ މަހަކު ދައްކަން އަންގާ، ނުދެއްކުނު މީހުން އަތުން ފުލެޓު އަތުލާފަވެއެވެ. ގުޅީފަޅުން ބިން ގަތް މީހުން އަތުން އެ ބިންތައް އަތުލައި ސަރުކާރަށް ދެއްކި ރުފިޔާވެސް އަނބުރާ ދީފައި ނުވެއެވެ. އަދި ކުރި ހޭދަ އަނބުރާ ދޭން ވައުދުވެފައިވާ ހިޔާގެ ފުލެޓުތަކަށް ފޯމުލުމަށް ރައްޔިތުން ވާރެއާއި އަވީގައި ކޮޅަށް އެތައް ގަޑިއިރަކު ބައިތިއްބައިގެން ސަލާން ޖަހުވާފައިވެއެވެ. މި ކަމަކީ އައިޓީ ދަންނަ ކުއްޖަކު ލައްވާ 15 މިނެޓުން ހަދާލެވޭނެ ޕޯރޓަލްއެއް މެދުވެރިކޮށް ފަސޭހަ ކަމާއެކު ކުރެވިދާނެ ކަމެކެވެ.

އެހެންކަމުން ޑރ. މުޢިއްޒުގެ މިފަދަ ވައުދު ތަކަކީ ހަމައެކަނި ސިޔާސީ ބޭނުމަށް ދައްކާ ވާހަކަ ތަކެއްކަން ގިނަ ރައްޔިތުން ޤަބޫލު ކުރެއެވެ.