މުޅި ނޫނު އަތޮޅަށް ހުޅުވާލައިގެން ޝާޔާސް ކިޗެނުން ބޮޑު ޕްރޮމޯއެއް: ނަސީބުވެރި ފަރާތަކަށް 6 މީހުންގެ މީލެއް ހިލޭ!

Noonu atoll ah hulhuvaalaigen Shaya's kitchen'un bodu promo eh: naseebuveri faraathakah 6 meal hiley!

ފޮޓޯ؛ ޝާޔާސް ކިޗެން

7 ގަޑިއިރު ކުރި

ކެނދިކުޅުދޫ، ދިވެހިރާއްޖެ: ނ. ކެނދިކުޅުދޫގައި ހުންނަ އެންމެ ބޮޑު ރެސްޓޯރަންޓް ކަމަށްވާ ޝާޔާސް ކިޗެނުން ވަރަށް ބޮޑު ޕްރޮމޯޝަނެއް ފަށައިފިއެވެ. މި ޕްރޮމޯޝަންގެ ދަށުން ނަސީބުވެރި އެއް ފަރާތަކަށް ޝާޔާސް ކިޗެނުން ހަ މީހަކަށް ފުލް މީލްއެއް ހިލޭ ލިބޭނެ ކަމަށް އެ ރެސްޓޯރަންޓުން ބުނެއެވެ.

ޝާޔާސް ކިޗެންގެ އޯނަރު، ސަމާއިލް ވިދާޅުވީ، މި ޕްރޮމޯޝަންގެ ދަށުން ހިލޭ ލިބޭ މީލްގައި، ރެސްޓޯރަންޓްގެ މެނޫއިން ބޭނުން ވައްތަރެއްގެ މީލްއަކާއެކު ބޭނުން ވައްތަރެއްގެ ޑްރިންކް އަދި ޑެސާޓްވެސް ހިމެނޭނެ ކަމަށެވެ. މިއީ އެ ރެސްޓޯރަންޓުގެ ކަސްޓަމަރުންނަށް ހާއްސަކޮށްގެން ހިންގާ ހަރަކާތެކެވެ.

މި ޕްރޮމޯގައި ބައިވެރިވުމަށްޓަކައި، ޝާޔާސް ކިޗެންގެ ފޭސްބުކް އަދި އިންސްޓަގުރާމް ހޭންޑަލް ފޮލޯ ކުރުމަށްފަހު، އެ ރެސްޓޯރަންޓް ޓެގްކޮށްފައި ފޭސްބުކްގައި އެ ރެސްޓޯރަންޓުން ކޮށްފައިވާ ޕްރޮމޯގެ ޕޯސްޓް ޝެއާ ކުރަން ޖެހެއެވެ. މީގެ އިތުރުން، އިންސްޓަގުރާމުގެ ޕޯސްޓުގެ ތިރީގައި 6 ރައްޓެއްސަކު ޓެގް ކުރުމާއެކު އިންސްޓަގުރާމުގެ ސްޓޯރީއަށް ޝާޔާސް ކިޗެން ޓެގްކޮށްފައި ލުންވެސް ހިމެނެއެވެ.

ޝާޔާސް ކިޗެނަކީ އެކި ވައްތަރުގެ ރައިސް، ނޫޑްލްސް، ސަބްމެރިން، ބާގާ، ޝަވަރުމާ އަދި ކުލަބް ސޭންޑްވިޗް ފަދަ ތަފާތު ބާވަތްތަކުގެ ކެއުންތައް ލިބެން ހުންނަ ރެސްޓޯރަންޓެކެވެ. މީގެ އިތުރުން ގިނަ ވައްތަރުތަކެއްގެ ބުއިމުގެ އިތުރުން ތަފާތު ޑެޒާޓްތައްވެސް އެ ރެސްޓޯރަންޓުން ލިބެން ހުންނާނެއެވެ.

މި ޕްރޮމޯޝަން ކުރިއަށް ދާނީ ޖުލައި 1 އިން ފެށިގެން ޖުލައި 15 އަށް ކަމަށް ޝާޔާސް ކިޗެނުން މައުލޫމާތު ދެއެވެ. ނަސީބު ބެލުމަށް ބައިވެރިވާން ބޭނުންފުޅުވާ ފަރާތްތަކުން މި މުއްދަތުގެ ތެރޭގައި މަތީގައިވާ ކަންކަން ފުރިހަމަ ކުރުމަށް ޝާޔާސް ކިޗެނުން ވަނީ ގޮވާލާފައެވެ.

މިއީ ނޫނު އަތޮޅަށް ޙާއްސަކޮށްގެން ކުރިއަށް ގެންދާ ޕްރޮމޯއެކެވެ. ޝާޔާސް ކިޗެންއިން މިހާރުވެސް އަންނަނީ ނޫނު އަތޮޅުގެ ރަށްރަށަށް އެ ރެސްޓޯރަންޓުގެ މީލްތައް ޑެލިވާ ކޮށްދެމުންނެވެ.