ނޫނު އަތޮޅުގެ ބްރޭންޑިންގް ކިޓް އާއްމުކޮށްފި

8 އެޕްރީލު 2023

ނޫނު އަތޮޅުގެ މަރުކާ(ބުރޭންޑިން) ކިޓް ތަޢާރަފްކޮށް އިއްޔެ އާއްމުކޮށްފިއެވެ. ނޫނު އަތޮޅު ކައުންސިލްގެ ފޭސްބުކް ޕޭޖުގައި އިއްޔެ މަރުކާ ކިޓް ޝާއިރުކޮށް ބޭނުންކުރުމުގެ ފުރުސަތު ވަނީ ހުޅުވާލާފައެވެ.

"ނޫނު ނެޗްރަލީ"ގެ ނަމުގައި ނެރުނު މި މަރކާ ކިޓުގައި ނޫ، ފެހި އަދި ރީންދޫ ކުލަ ބޭނުން ކޮށްފައިވެއެވެ. މި ބުރޭންޑިންގައި ބޭނުން ކުރާނެ ޓީޝާޓާއި، ތޮފި، ސޯސަލް މީޑިއާ ޓެންޕުލޭޓްސް، ފޮންޓުތައް ހިމެނެއެވެ.

ނޫނު އަތޮޅު ކައުންސިލުން މި ބުރޭންޑް ކިޓް އާއްމުކުރުމަށް ކޮފައިވާ ޕޯސްޓުގައި މި ކިޓް ބޭނުން ކޮށްގެން އަތޮޅުގެ ވޔަފާރިއާއި، ހަރަކާތްތަކާއި، އިވެންޓްތައް ބުރޭންޑް ކުރުމުގެ ފުރުސަތު ހުޅުވާލައިފައިވެއެވެ.

ނޫނު އަތޮޅަކީ މިހާރުވެސް ދުނިޔޭގެ ބޮޑެތި ކުންފުނިތަކުން ކޮންމެވެސް ސިފައެއްގައި ބުރޭންޑް ކުރެވެމުން އަންނަ އަތޮޅެކެވެ. "ނޫނު ނެޗްރަލީ"ގެ ނަމުގައި މި އަތޮޅު ބެރޭންޑް ވެގެެން ދިއުމަކީ އިތުރަށް އިޤްތިސާދި ގޮތުން ކުރިއެރުންތަކައް ލިބޭނެ ކަމެކެވެ.