މި މަހު 18 ގެ ކުރިން ފައިސާ ނުދައްކައިފި ނަމަ މޯލްޑިވިއަނުން އެމްޑީޕީ ގޮވައިގެން ކޯޓަށް

Mi mahu 18 ge kurin faisaa nudhakkaifi nama Maldivian in MDP govaigen court ah

ކުރީގެ ރައީސް އިބްރާހިމް މުހައްމަދު ސޯލިހް އަދި ޗެއާޕާސަން ފައްޔާޒް އިސްމާއިލް ރިޔާސީ އިންތިހާބުގެ ކެމްޕޭނުގައި -- ފޮޓޯ: އެމްޑީޕީ

ހަބަރު

10 ފެބުރުވަރީ 2024

މި ހިނގާ ފެބްރުއަރީ މަހުގެ 18 ވަނަ ދުވަހުގެ ކުރިން މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)އިން މޯލްޑިވިއަން އަށް ދައްކަން ޖެހޭ ފައިސާ ނުދައްކައިފި ނަމަ، ފައިސާ ހޯދުމަށް ކޯޓަށް ދާނެ ކަމުގެ ނޯޓިސް މޯލްޑިވިއަނުން އެ ޕާޓީއަށް ދީފި އެވެ.

މޯލްޑިވިއަން އިން އެ ޕާޓީއަށް ފޮނުވި ސިޓީގައި ރިޔާސީ އިންތިހާބުގެ ކެމްޕެއިނަށް، އޭރު ވެރިކަމުގައި އޮތް އެމްޑީޕީން ކުރި ދަތުރުތަކަށް ހަރަދުވި 5.6 މިލިއަން ރުފިޔާ އެ ކުންފުންޏަށް ދެއްކުމަށް އެމްޑީޕީއަށް ފޮނުވި ސިޓީގައިވެ އެވެ.

މި ފައިސާ ދެއްކުމަށް އެދި އެކި ފަހަރު މަތިން ނޯޓިސް ފޮނުވާފައިވާ ކަމަށްވެސް އެ ކުންފުނިން ބުނެ އެވެ.

މިކަން މޯލްޑިވިއަން އިން މި ނޫހަށް ކަށަވަރު ކޮށްދީފައިވެ އެވެ.

މޯލްޑިވިއަން އަށް ދައްކަން ޖެހޭ ފައިސާގެ ތެރޭގައި އެމްޑީޕީން ކުރި ޗާޓަރު ދަތުރުތަކަށް ދައްކަން ޖެހޭ ފައިސާ ވެސް ހިމެނެ އެވެ.

މި ނޯޓިސް ފޮނުވާފައިވާއިރު، ރިޔާސީ ކެމްޕެއިންގެ ތެރޭގައި ސަރުކާރުގެ މުދާ ނަހަމަ ގޮތުގައި ބޭނުން ކުރާ ކަމަށް އޭރުގެ އިދިކޮޅު އަދި މިހާރު ވެރިކަމުގައި ތިއްބެވި ޕީއެންސީ ކޯލިޝަންގެ ބޭފުޅުން ތުހުމަތުކޮށްފައިވެ އެވެ. އެ ތުހުމަތުތައް އޭރު ޕާޓީން ދޮގުކޮށްފައިވެ އެވެ.

އެ ތުހުމަތުތަކާ ގުޅިގެން ސަރުކާރުގެ މުދާ ނަހަމަ ގޮތުގައި ބޭނުން ނުކުރުމަށް އެންޓި ކޮރަޕްޝަން ކޮމިޝަން (އޭސީސީ)އިން އެދިފައިވެ އެވެ. އެހެންނަމަވެސް، އެފަދަ މައްސަލައެއް އޭސީސީން ބަލާފައެއް ނުވެ އެވެ.