މެނިންގޯކޮކަލް ބަލި ރާއްޖެއިން ފެނިފައިވާކަން އެޗްޕީއޭއިން ކަށަވަރުކޮށްދީފި، ކޮންޓެކްޓް ޓްރޭސިން ހަދައި ބޭސް ދިނުމުގެ މަސައްކަތް އަންނަނީ ކުރަމުން

މެނިންގޯކޮކަލް ބަލި ރާއްޖެއިން ފެނިފައިވާކަން ހެލްތު ޕްރޮޓެކްޝަން އޮތޯރިޓީ (އެޗްޕީއޭ)އިން ކަށަވަރުކޮށް ދީފި އެވެ. 

މި ބަލި ފެނިފައިވާކަމަށް އަޑު ފެތުރެމުން ދާތީ ނޫސްވެރިން އެކަމާ ސުވާލު ކުރަމުން ދަނިކޮށް އެޗްޕީއޭ އިން އެކްސްގައި ކުރި ޕޯސްޓެއްގައި ބުނީ މި ބަލީގެ ކޭސްއެއް ފެނުމާ ގުޅިގެން ކަމާ ބެހޭ މައުލޫމާތު އެއްކޮށް، ކޮންޓެކްޓް ޓްރޭސިންގް ހަދަމުންދާ ކަމަށެވެ. 

"ކަމާ ބެހޭ މައުލޫމާތު އެއްކޮށް، ކޮންޓެކްޓް ޓްރޭސިންގް ހަދާ، ކޮންޓެކްޓްވީ ފަރާތްތަކަށް މައުލޫމާތު ދީ، ކޮންޓެކްޓުންނަށް ބަލިން ރައްކާތެރިވުމަށް ދޭ ޕްރޮފައިލެކްޓިކް ބޭސް ދޭން ވަނީ ފެށިފައި،" އެޗްޕީއޭ އިން ބުންޏެވެ.

Advertisement

މި ބަލި ފެނުނު މީހާގެ ހާލަތާއި ގުޅޭގޮތުން އެޗްޕީއޭ އިން އެއްވެސް ކަމެއް ހާމަކޮށްފައެއް ނުވެ އެވެ.