އެމްޑީޕީ އާއި ޑިމޮކްރެޓްސްގެ މައި ޖަގަހަ ހިންގި ތަނުގައި ސަރުކާރު ޕާޓީގެ ޖަގަހަ ހުޅުވައިފި

MDP aai Democrats ge mai jagaha hingi thanugai sarukaaru party ge jagaha hulhuvaifi

ޕީއެންސީ ޖަގަހަ ހުޅުވުމުގެ ތެރެއިން

23 ޖޫން 2024

އެމްޑީޕީ އާއި ޑިމޮކްރެޓްސްގެ މައި ޖަގަހަ ހިންގި ތަނުގައި ސަރުކާރު ޕާޓީ, ޕީއެންސީގެ ޖަގަހަ ހުޅުވައިފި އެވެ.

ހައުސް އޮފް ޕީއެންސީގެ ނަމުގައި މި ޖަގަހަ ހުޅުވައިދެއްވީ ރައީސުލްޖުމްހޫރިއްޔާ އަދި ޕީއެންސީގެ ރައީސް، ޑރ. މުހައްމަދު މުއިއްޒު އެވެ.

މި ޖަގަހަ ހުޅުވި އިމާރާތް، ހ. ވެޔޮވިލާގައި ގިނަ އަހަރުތަކެއް ވަންދެން އެމްޑީޕީގެ މައި ހަރުގެ ހިންގާފައިވެ އެވެ. އިދިކޮޅު ޕާޓީގެ ގޮތުގައި އޮވެ އަދި ސަރުކާރު ހިންގާ ޕާޓީގެ ގޮތުގައި ވެސް އެމްޑީޕީ އިން އެ ޖަގަހައިގައި ގިނަ ހަރަކާތްތަކެއް ކުރިއަށް ގެންގޮސްފައިވެ އެވެ.

އެހެންނަމަވެސް އެމްޑީޕީ ތެރޭގައި އުފެދުނު ހިޔާލު ތަފާތުވުންތަކުގެ ތެރޭގައި ޕާޓީގައި ދެ ފިކުރެއް އުފެދި ޑިމޮކްރެޓްސް ޕާޓީ އުފެދުނު ހިސާބުން އެމްޑީޕީއަށް އެ ޖަގަހަ ގެއްލުނެވެ.

ފަހުން އެ އިމާރާތުގައި ޖަގަހަ ހިންގަމުން އައީ ޑިމޮކްރެޓްސް އިންނެވެ. މި ސަރުކާރު ގެންނަން ޑިމޮކްރެޓްސްއިން ކުރި މަސައްކަތަށް ފަހު މި އަހަރުގެ ތެރޭގައި ޑިމޮކްރެޓްސްގެ ބަދަލުގައި ޕީއެންސީއިން އެތަނުގައި ޖަގަހަ ހިންގުމަށް ކުރަން ޖެހޭ ކަންކަން ފެށި އެވެ.

ޑިމޮކްރެޓްސް އިން ހިންގި ޖަގަހަ ރޫޅާލައި ޕީއެންސީ އިން ގެންނަން ބޭނުންވާ ބަދަލުތައް ގެނައުމުގެ މަސައްކަތް ފެށީ މި އަހަރުގެ މެއި މަހުގެ ފަހުކޮޅު އެވެ.