މަސްވެރިންނަށް ބޮޑު ރެޔެއް: ކުރިން ކިރާފައި ނުލިބި ހުރި ފައިސާ މިރޭ ދޫކުރަނީ!

Masverinnah bodu reyeh: kurin kiraafai, nulibi huri faisaa mirey dhookurany!

ފިޝަރީޒް މިނިސްޓަރ މިފްކޯގެ ވެރިންނާއި ބައްދަލު ކުރައްވަނީ / ފޮޓޯ: ފިޝަރީޒް މިނިސްޓްރީ

7 ޑިސެންބަރު 2023

ކިރުވި މަހަށް މަސްވެރިންނަށް ނުލިބިވާ ފައިސާގެ މައްސަލަ ހަމައަކަށް އަޅިވަން މަސްވެރިންނަށް މިރޭ ފައިސާ ދޫކުރަން ހަމަޖެހިފައިވާ ކަމަށް ފިޝަރީޒް މިނިސްޓަރު އަހުމަދު ޝިޔާމު ވިދާޅުވެއްޖެ އެވެ.

އޭނަ މިއަދު ސޯޝަލް މީޑިއާ ޕޯސްޓެއްގައި ވިދާޅުވީ މަސްވެރިންނަށް މަސްވެރިންނަށް 106 މިލިއަން ރުފިޔާ ދެވޭނެ އިންތިޒާމް ރައީސް ޑރ. މުހައްމަދު މުޢިއްޒު ހަމަޖައްސަވާފައިވާ ކަމަށެވެ. އެހެންވެ މިއީ ކިރުވި މަހަށް ނުލިބި ލަސްވެފައިވާ ފައިސާގެ މައްސަލަ އަށް ލިބޭނެ ހައްލެއް ކަމަށް ވިދާޅުވި އެވެ.

"މަސްވެެރި އާއިލާތަކުގެ ޒަރޫރީ އެތައް ކަމަކަށް މިލަހުގެ ސަބަބުން ވަނީ ވަރަށް ބޮޑަށް އުނދަގޫވެފައި. ރައީސުލްޖުމްހޫރިއްޔާގެ ވިސްނުންފުޅަކީ މިކަމަށް ދާއިމީ ހައްލެއް ގެނެވޭނެ ގޮތަށް ކަންކަން ތަރުތީބު ކުރެއްވުން،" މިނިސްޓަރު ވިދާޅުވި އެވެ. "އެކަމަށް ހުރި ހިރާސްތައް ނައްތާލެއްވުމުގެ މަސައްކަތްޕުޅު ބާރަށް ކުރިޔަށް އެބަގެންދަވާ. 106 މިލިއަން ރުފިޔާ މިރޭ މަސްވެރިންނަށް ދެވޭނެ އިންތިޒާމުވެސް މިހާރުވަނީ ރައީސް ހަމަޖައްސަވާފައި." ޝިޔާމް ވިދާޅުވިއެވެ.

ކިރުވި މަހަށް މަސްވެރިންނަށް ނުދެވި ފައިސާ ދޭން ފެށި މަސައްކަތުގެ ތެރެއިން އާ ސަރުކާރުގެ ފުރަތަމަ ހަފުތާގެ ތެރޭގައި ވެސް 30 މިލިއަން ރުފިޔާ ދީފަ އެވެ.