މާލެ ސަރަހައްދުން އިތުރު ބަޔަކު ފައިލޭރިއާއަށް ޕޮޒިޓިވް ވެއްޖެ

Male’ sarahadhun anehkaaves ithuru bayaku filaria ah positive vejje

ހުޅުމާލެ މެޑިކަލް ފެސިލިޓީން ގެއަށް ބަލި މީހުން އުފުލަން ތައްޔާރުވެގެން ތިބި އޮފިޝަލުން / ފައިލް ފޮޓޯ: ރެޑްކްރެސެންޓް

24 ޑިސެންބަރު 2023

މާލެ ސަރަހައްދުން އިތުރު ބަޔަކު ފައިލޭރިއާއަށް ޕޮޒިޓިވްވެ ޖުމްލަ އަދަދު 32 އަށް އަރާފައިވާ ކަމަށް ހެލްތު ޕްރޮޓެކްޝަން އެޖެންސީން ބުނެފިއެވެ.

ޕޮޒިޓިވް ކޭސްތައް ފެނިފައި ވަނީ، ބިދޭސީން މަސައްކަތްކުރާ ސައިޓުތަކުން ނެގި ސާމްޕަލްތަކުންނެވެ.

ހުޅުމާލެއިން ފަސް މީހުން ޕޮޒިޓިވްވީ ޓެސްޓު ކުރި 25 މީހުން ތެރެއިންނެވެ. މާލެއިން އެކަކު ޕޮޒިޓިވް ވީ، ޓެސްޓު ކުރި 15 މީހުންގެ ތެރެއިންނެވެ. ގުޅީފަޅުން ޓެސްޓު ކުރި 20 މީހުން ތެރެއިން ވެސް، އެކަކު ޕޮޒިޓިވް ވެފައިވެ އެވެ.

އެއާއެކު، މިހާތަނަށް ޖުމްލަ ހަތް މީހުން މާލެ ސަރަހައްދުން ޕޮޒިޓިވް ވެފައިވެ އެވެ.

ފައިލޭރިއާއަކީ މަދިރީގެ ޒަރިއްޔާއިން ފެތުރޭ، ގައިންގަޔަށް އަރާ ބައްޔެކެވެ.

ރާއްޖެއިން މި ބަލި ނައްތާލެވިފައިވާ ކަމުގެ ސެޓްފިކެޓް ދުނިޔޭގެ ސިއްހަތު ޖަމިއްޔާ އިން ލިބުނީ 2016 ގަ އެވެ. ރާއްޖޭން އެންމެ ފަހުން ފައިލޭރިއާ ކޭސްއެއް ރިޕޯޓުކުރީ 2004 ވަނަ އަހަރު ލ. ފޮނަދޫއިންނެވެ