"މަގޭހިޔާ" ކެނދިކުޅުދޫ ކައުންސިލްގެ ބޯހިޔާ ވެހިކަމުގެ ޕްރޮޖެކްޓަށް ބޮޑު ތަރުހީބެއް

"މަގޭ ހިޔާ" މިނަމުގައި ކެނދިކުޅުދޫ ކައުންސިލުން ބޭރުގެ ކުންފުނަޔަކާއި ގުޅިގެން، ގެ އަޅައިދިނުމުގެ ޕްރޮޖެކްޓުގެ މަޢުލޫމާތު ބައްދަލުވުމުގައި ގިނަ އަދަދެއްގެ ފަރާތްތަކުން ބައިވެރިވެ، މި ޕްރޮޖެކްޓަށް ބޮޑު ތަރުޙީބެއް އަންނަނީ ލިބެމުންނެވެ.

21 ޖޫން 2023 ވަނަ ދުވަހުގެ ރޭ ކެނދިކުޅުދޫގެ ޢިޖްތިމާޢީ މަރުކަޒުގައި ބޭއްވުނު މަޢުލޫމާތު ދިނުމުގެ ބައްދަލުވުމުގައި ރަށުގެ 150 އަށް ވުރެ ގިނަ މީހުން ބައިވެރިވެފައިވެއެވެ. މި ބައްދަލުވުމުގައި "މަގޭހިޔާ" ޕުރޮޖެކްޓްގެ ދަށުން އެޅުމަށް ޑިޒައިން ކޮށްފައި ހުރި ގެތަށް ދައްކާލައިފައިވެއެވެ. 2 ކޮޓަރިން ފެށިގެން ހަތަރު ކޮޑަރި ހިމެނޭ ގޮތަށް ޑިޒައިން ކުރެވިފައިވާ އެއް ބުރީގެ ގެ ތަކާއި 2 ބުރީގެ ގެތަށް ވެސް މި ޕްރޮޖެކްޓުގައި ޑިޒައިން ކުރެވިފައިވާ ގެތަކުގެ ތެރޭގައި ހިމެނެއެވެ.

Advertisement

ފޮޓޯ: | ކެނދިކުޅުދޫ ކައުންސިލް

ރަށްފުށު އޮންލައިންއަށް މަޢުލޫމާތު ދެއްވަމުން ކައުންސިލްގެ ރައީސް މުޙައްމަދު ރަޢޫފް ވިދާޅުވީ، ބޯހިޔާ ވަހިކަމަށް ބޭނުންވާ މީހުންގެ އަދަދު، ހަޤީގަތުގައި ގިނައީ، އަމިއްލަ ބޯހިޔާވަހިކަމެއްގެ ބޭނުން ބޮޑުވީމައެވެ. މި ޕްރޮޖެކްޓުގެ ދަށުން އެފަދަ ފަރާތްތަކަށް ބޯހިޔާ ވަހިކަމުގެ ފުރސަތު އެބައޮތެވެ.     

މި ޕްރޮޖެކްޓަށް ފައިނޭންސް ކުރުމަށް މި ވަގުތު ކައުންސިލާއިއެކު މަސައްކަތް ކުރަމުންދަނީ މޯލްޑިވްސް އިސްލާމިކް ބޭންކް ކަން ފާހަގަ ކުރަމުން ކައުންސިލްގެ ރައީސް ވިދާޅުވީ، އަންނަ ޖުލައި މަހުގެ ކުރީ ކޮޅު މި ޕުރޮޖެކްޓުގެ ދަށުން ގެ އެޅުމަށް ޝަޢުޤްވެރިވާ ފަރާތްތަކާއި، މި ޕުރޮޖެކްޓުގެ ކޮންޓްރެކްޓަރުންނާއި ބައްދަލު ވާނެ މަގު ފަހިކޮށްދެއްވާނެކަމަށެވެ.