މާރަންދޫ ކައުންސިލްގެ ނައިބު ރައީސް ކުއްލި ގޮތަކަށް ނިޔާވެއްޖެ

Maarandhoo council ge naib ku’lli gothakah niyaavejje

13 ޖުލައި 2024

މާރަންދޫ ކައުންސިލްގެ ނައިބު ރައީސް އަހުމަދު ރަމީޒް ކުއްލި ގޮތަކަށް ނިޔާވެއްޖެއެވެ.

މައުލޫމާތު ލިބިފައިވާ ގޮތުގައި އަހުމަދު ރަމީޒު ނިޔާވެފައިވަނީ ކުއްލި ގޮތަކަށް މިރޭގެ ވަގުތެއްގައި ދިއްދޫ ހޮސްޕިޓަލުގަ އެވެ.

އެނގިފައިވާ ގޮތުގައި ރަމީޒް މިއަދު ހަވީރު ކުޅެން ހުއްޓާ ނޭވާލާން އުނދަގޫވެގެން ވަނީ އެ ރަށު ސިއްހީ މަރުކަޒަށް ގެންގޮސްފައެވެ. އަދި އިތުރަށް ގޯސްވުމުން ދިއްދޫ ހޮސްޕިޓަލަށް ގެންދިއުމަށްފަހު ނިޔާވީ މިރެޔެވެ.

ރަމީޒަކީ މާރަންދޫ ކައުންސިލުގެ ނައިބު ރައީސްގެ މަގާމުގައި އެމްޑީޕީ ތަމްސީލު ކުރައްވަމުން ގެންދެވި މެމްބަރެކެވެ.

ރަމީޒު ނިޔާވުމާ ގުޅިގެން އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވީ ރަމީޒު ކުއްލި ގޮތަކަށް ނިޔާވި ހަބަރު އަޑުއެހީ ފުން ހިތާމައާއެކު ކަމަށާއި ރަމީޒުއަކީ އެމްޑީޕީ އަށް އަގުހުރި ހިދުމަތްތަކެއް ކޮށްދެއްވާފައިވާ ބޭފުޅެއް ކަމަށެވެ. ރަމީޒުގެ އާއިލާ އަށް ފައްޔާޒު ވަނީ ތައުޒިޔާ ރައްދުކޮށްފަ އެވެ.

ރަމީޒަކީ މާރަންދޫގެ ތަރައްޤީއަށް ގިނަގުނަ ޚިދުމަތްތަކެއް ކުރައްވާފައިވާ ފަރާތެކެވެ.