ލަންދޫ ފުޓްސަލް ދަނޑު މަރާމާތު ކުރުން މިއަހަރުގެ ބަޖެޓަކު ނެތް: މިނިސްޓްރީ

ނ.ލަންދޫގެ ފުޓްސަލް ދަނޑު މަރާމާތު ކުރުން މި އަހަރަށް ބަޖެޓްކުރެވިފައި ނެތުމުން އެމަސައްކަތް ކުރިއަށް ނުގެންދެވޭނެ ކަމަށް މިނިސްޓްރީ އޮފް ސުޕޯޓްސް ފިޓްނަސް އެންޑް ރެކްރިއޭޝަންއިން ބުނެފިއެވެ. 

ލަންދޫގެ ދަނޑު ހާލަކުވެ، ބޭނުންނުކުރެވޭ ހާލަތުގައި އޮންނަތާ ދެ ތިން އަހަރު ވެފައިވާއިރު، މި ކަމަކީ ލަންދޫގެ ޒުވާނުންނާއި ރައްޔިތުންގެ އެތަށް ޝަކުވާތަކެއް ހުރި މައްސަލައެކެވެ.

ނިމިދިޔަ ސަރުކާރުގައި، މި މައްސަލަ ހައްލުކުރުމަށް އޭރުގެ ޔޫތު މިނިސްޓްރީއިން އެދިފައިވާ ގޮތަށް ލަންދޫ ކައުންސިލުން ކޮންޓްރެކްޓަރެއް ހޯދުމަށްފަހުގެ ބިޑުގެ މަޢުލޫމާތު ޔޫތު މިނިސްޓްރީއަށް ފޮނުވިފައި ވާނެކަމަށް ލަންދޫ ކައުންސިލްގެ ނައިބް ރައީސް މަންސޫރު މުޙައްމަދު ވިދާޅުވިއެވެ. 

Advertisement

ސަރަކާރު ބަދަލު ވެންގެން އައި ފަހުން އެ މަސައްކަތް ކުރިއަށް ނުދާތީ އެ މަސައްކަތުގެ އަދާހަމަ ހޯދުމަށާއި ލަންދޫގެ ފުޓްސަލް ދަނޑާއި ގުޅިގެން ހުރި ޝަކުވތަކާއިއެކު މިނިސްޓްރީއަށް ޖަވާބަކަށް އެދި ލަންދޫގެ ކައުންސިލުން މިހާރުގެ ސުޕޯޓްސް މިނިސްޓްރީއަށް ވަނީ ފޮނުވާފައިވެއެވެ. 29 ޖެނުއަރީ 2024ގައި މިނިސްޓްރީގެ ފަރާތުން ލަންދޫ ކައުންސިލަށް ފޮނުވައިފައިވާ ޖަވާބު ސިޓީގައި، މިއަހަރުގެ ބަޖެޓްގައި އެ ދަނޑުގެ މަރާމާތު ކުރުން ހިމެނިފައި ނެތުމުން އެމަސައްކަތް ކުރިއަށް ގެންދެވެން ނެތް ވާހަކަ ވަނީ އަންގާފައެވެ.

ލަންދޫ ކައުންސިލްގެ ނައިބް ރައީސް އިތުރަށް މި ނޫހަށް މަޢުލޫމާތު ދެއްވަމުން ވިދާޅުވީ، ލަންދޫއަކީ ފުޓްބޯޅައަށާއި ފުޓްސަލްގެ އިތުރުން ވެސް އެެތަށް ކުޅިވަރުތަކެއްގައި ޝީމިލްވާ ރައްޔިތުންތަކެއް އުޅޭ ރަށެއްކަމަށެވެ، އެހެން ނަމަވެސް މިހާރު ނ.ލަންދޫ މިފާހަގަ ކުރެވެނީ އެއްވެސް ކުޅިވަރު ކުޅޭނެ ވަސީލަތެއް ނެތް ރަށެއްގެ ގޮތުގައެވެ. މި ކަންކަމަކީ އެރަށުގެ ރައްޔިތުންނާއި ކައުންސިލްގެ ވަރަށް ބޮޑު ކަން ބޮޑު ވުމެއް ކަމުގައެވެ.