ކާށިދޫން ފެނުނު އެވޭލާ މިސްކިތާ ބެހޭ ދިރާސާތައް ފަށައިފި

ކ ކާށިދޫން ފެނުނު އެވޭލާ މިސްކިތާ ބެހޭ ދިރާސާތައް ފަށާފައިވާކަމަށް ދިވެހި ބަހާއި ސަގާފަތާއި ތަރިކައާ ބެހޭ ވުޒާރާއިން ބުނެފިއެވެ.

މިނިސްޓްރީގެ ބަޔާނުގައިވާ ގޮތުން، 2020 ވަނަ އަހަރު ކ. ކާށިދޫ ބާ ހުކުރު މިސްކިތުން ފެނުނު އާސާރީ ތަނެއްގެ ތަފްޞީލީ ދިރާސާއެއް މިހާރު ކުރިއަށްދާކަމަށް ފާހަގަކޮށްފައިވެއެވެ.

މިނިސްޓްރީން އިތުރަށް ހާމަކުރައްވާފައިވާ ގޮތުގައި، 2025 ވަނަ އަހަރުގެ ޖަނަވަރީ 12 އިން 24 އަށް އެ ސަރަހައްދުގެ ފުރަތަމަ ދިރާސާ ކުރިއަށްދާނެއެވެ. މި މަސައްކަތަކީ ސަގާފީ ތަރިކަ ރައްކާތެރިކުރާ ޤައުމީ މަރުކަޒާއި، ޔުނިވަރސިޓީ އޮފް އީސްޓް އެންގްލިއާ އާއި، ދިވެހިބަހުގެ އެކެޑަމީ އަދި މެރިޓައިމް އޭޝިޔާ ހެރިޓޭޖް ސަރވޭ ގުޅިގެން ކުރިއަށްގެންދާ މަޝްރޫޢެކެވެ. މި ޕްރޮގްރާމުގައި އިސްވެދެންނެވުނު މުއައްސަސާތަކުގެ މާހިރުންނާއި މުވައްޒަފުންގެ އިތުރުން، ޔުނިވަރސިޓީ އޮފް އީސްޓް އެންގްލިއާގެ ސެއިންސްބަރީ ރިސާޗް ޔުނިޓްގައި މާސްޓަރސް ފެންވަރުގައި ކިޔަވަމުންދާ ދިވެހި ދެ ދަރިވަރުން ބައިވެރިވާކަން ފާހަގަކޮށްފައިވެއެވެ.

Advertisement

 

މީގެ އިތުރުންީގެ އިތުރުން، މި ދެ ހަފުތާގެ ދިރާސީ މަސައްކަތުގެ ތެރޭގައި، ބިމުގެ އަޑީގައި ހުންނަ އާސާރީ ތަކެއްޗާމެދު ޢަމަލުކުރަންވީ ގޮތުގެ ފަންނީ އުސޫލުތަކާއި އަސާސީ މިންގަނޑުތައް ބައިވެރިންނާ ހިއްސާކުރެވޭނެ ކަމަށްވެސް މިނިސްޓްރީން އިތުރަށް ހާމަކުރައްވާފައިވެއެވެ.