ކެނދިކުޅުދޫގެ ފުޓްސަލް ދަނޑު މަރާމާތު ކުރާނެ ބަޔަކު ހޯދަނީ

Kendhikulhudhooge Futsal Dhan'du Maraamaathu kuraane bayaku hoadhani

ފޮޓޯ: | ކެޕްޗާސް

16 އެޕްރީލު 2023

ނ. ކެނދިކުުޅުދޫ ފުޓްސަލް ދަނޑު މަރާމާތުކޮށް، ޓާރފް ބަދަލުކުރުމުގެ މަސައްކަތް ކުރުމަށް ބިޑަށް ހުޅުވާލައިފިއެވެ.

މި ކަމާއި ގުޅިގެން ކެނދިކުޅުދޫ ކައުންސިލުން އިއްޔެކޮށްފައިވާ ޢިއުލާންގައި، އެ ކައުންސިލުން ފޯރުކޮށްދޭ ކުރެހުމާއި ސުޕެސިފިކޭޝަނާއި އެއްގޮތަށް، އަމިއްލަ ތަކެތީގައި މަސައްކަތްކުރުމަށް ޝަޢުގުވެރިވާ ފަރާތަކަށް ބީލަން ހުށަހެޅުމުގެ ފުރުސަތު ހުޅުވާލައިފާވެއެވެ.

ބީލަން ހުށަހެޅުމަށް ޝަޢުގުވެރިވާ އަމިއްލަ ފަރުދުންގެ ވިޔަފާރިތަކަށާއި، ވިޔަފާރި ރަޖިސްޓްރީ ކުރުމުގެ ޤާނޫނުގެ ދަށުން ރަޖިސްޓްރީ ކޮށްފާއިވާ ވިޔަފާރިތަކަށް -/50 ރުފިޔާގެ ފީއެއް ދައްކައިގެން 23 އޭޕްރީލް 2023 ވާ އާދިއްތަ ދުވަހުގެ 14:00 ގެ ކުރިން ލިންކު މެދުވެރިކޮށް މި ބީލަމުގައި ރަޖިސްޓްރީ ވެވޭނެއެވެ.

ރަޖިސްޓްރީ ފޯމް ލިންކު: https://forms.office.com/r/1PcwUH0gDe

ބީލަމުގެ މާޢުލޫމާތު ކަރުދާހާއި، ޕްރޮޖެކްޓް ތަފްސީލްގެ ކުރެހުންތަކާއި، ބީލަން ހުށަހެޅުމަށް ބޭނުންވާ އެންމެހާ ލިޔެކިޔުންތަށް ބީލަމުގެ ރަިޖިސްޓުރޭޝަން ފުރިހަމަވުމުން އެ ފަރާތަކަށް ފޯރުކޮށްދވޭނެކަމަށް މި ޢިއުލާންގައިވެއެވެ.

މި މަސައްކަތަށް ބީލަން ހުށަހެޅޭނީ 24 އޭޕްރީލް 2023 ވާ ހޯމަ ދުވަހުގެ 11:00 ގައި އޮންނަ މަޢުލޫމާތު ސާފުކުރުމަށް ބާއްވާ ޖަލްސާގައި ބައިވެރިވާ ފަރާތްތަކަށް އެކަންޔެވެ. ރަޖިސްޓުރީވުމަށްފަހު މަޢުލޫމާތު ސާފުކުރަން ނާދެވޭ ފަރާތްތަކުގެ ބަދަލުގައި އެހެން ފަރާތަކަށް އެކަން އަންގައިިދޭ ސިޓީއަކާއި އެކު ބައިވެރިވުމުގެ ފުރުސަތު ލިބޭނެކަމަށް ޢިއުލާންގައިވެއެވެ.

މި މަސައްކަތުގެ ބީލަން ހުޅުވުން އޮންނާ 30 އޭޕްރީލް 2023 ވާ އާދިއްތަ ދުވަހުގެ 13:00 ގައި ކެނދިކުޅުދޫ ކައުންސިލް އިދާރާގެ ޖަލްސާކުރާ މާލަމުގައެވެ. މި ބީލަން އޮންލައިން ކޮން ހުށަހެޅުމުގެ ފުރަސަތު ވެސް ވަނީ ހުޅުވާލާފައެވެ.