ފަލަސްތީނުގެ ހާލަތާ ގުޅިގެން ޤުނޫތު ކިޔަން އިސްލާމިކް މިނިސްޓްރީން އަނެއްކާވެސް އަންގައިފި

ފަލަސްތީނުގެ ހާލަތާ ގުޅިގެން ޤުނޫތު ކިޔަން އިސްލާމިކް މިނިސްޓްރީން އަނެއްކާވެސް އަންގައިފި އެވެ. 

ފަަލަސްތީނުގެ ހާލަތާ ގުޅިގެން ގުނޫތު ކިޔަން އެންމެ ފުރަތަމަ އެންގީ މިދިޔަ އަހަރުގެ އޮކްޓޫބަރު މަހުގެ ތެރޭގަ އެވެ. އެހެންނަމަވެސް މި އަހަރުގެ ފެބްރުއަރީ މަހު ހުރިހާ ނަމާދެއްގައި ގުނޫތު ކިޔުން ހުއްޓާލުމަށް އިސްލާމިކް މިނިސްޓްރީން އެންގި އެވެ.

އެހެންނަމަވެސް މިއަދުން ފެށިގެން މަޣުރިބު ނަމާދާއި ފަތިސް ނަމާދުގައި ޤުނޫތު ކިއުމަށް އިމާމުންނަށް އަންގާނެ ކަމަށް އިސްލާމިކް މިނިސްޓްރީން ބުންޏެވެ.

Advertisement

"މުސްލިމުންނަކީ އެއް ހަށިގަނޑެއް. އިސްލާމީ އުންމަތަށް ދިމާވެފައިވާ ހިތްދަތި މިވަގުތަކީ އިހްލާސްތެރިކަމާއެކު ދުއާ ކުރަންވީ ވަގުތު،" އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު އެކްސްގައި ލިޔުއްވި އެވެ. 

ފެބްރުއަރީ މަހުގެ ތެރޭގައި ގުނޫތު ކިޔުން ހުއްޓާލުމަށް އެންގުމުން ގިނަ ބައެއްގެ ފާޑުކިޔުން ސަރުކާރަށް އަމާޒުވި އެވެ.