ކައުންސިލް މުވައްޒަފުންނަށް 35 އިންސައްތައިގެ އެލަވަންސްއެއް

Council muvazzafunnah 35 percent ge allowance eh

ކައުންސިލް މުވައްޒަފުންގެ މުސާރަ ބޮޑުކޮށްދިނުމަށް ކައުންސިލްތަކުން އެދިފައިވޭ

19 ސެޕްޓެންބަރު 2023

ކައުންސިލްތަކުގައި މަސައްކަތްކުރާ މުވައްޒަފުންނަށް 35 އިންސައްތަ އެލަވަންސްއެއް ދިނުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ނިންމަވައިފިއެވެ.

މިބަދަލާއި އެއްގޮތަށް 1 އޮކްޓޫބަރު 2023އިން ފެށިގެން މުސާރަ ލިބެމުންދާނެކަމަށް ރައީސް އޮފީހުން ބުނެއެވެ.

ކައުންސިލް މުވައްޒަފުންގެ މުސާރައާއިމެދު ކަންބޮޑުވުން ފާޅުކޮށް މުސާރައަށް ހެޔޮ ބަދަލެއް ގެނެސްދިނުމަށް ކައުންސިލްތަކުން މިއަހަރުތެރޭވެސް ވަނީ ރައީސަށް ދަންނަވާފައެވެ. ލާމަރުކަޒީ ނިޒާމެއްގެ ތެރެއިން ރައްޔިތުންނާއި ގާތުން ޚިދުމަތް ދިނުމަށް އެންމެ ބުރަކޮށް މަސައްކަތްކުރާ ބަޔަކީ ކައުންސިލްގެ މުވައްޒަފުންކަމުގައިވާއިރު އެމުވައްޒަފުންނަށް އެކަށީގެންވާ މުސާރައެއް ދިނުމަށް ކައުންސިލްތަކުން ގޮވާލާފައިވެއެވެ.

ސިވިލް ސާވިސް މުވައްޒަފުންގެ މުސާރަ ބޮޑުކުރުމަށް ނިންމިއިރު، އޭގެތެރޭގައި ކައުންސިލްގައި މަސައްކަތްކުރާ ސިވިލް ސާވިސް މުވައްޒަފުން ހިމަނާފައެއް ނުވެއެވެ.

އެހެންކަމުން ކައުންސިލް މުވައްޒަފުންނާއި ސިވިލް ސާވިސް މުވައްޒަފުންގެ މުސާރައިގެ ފަރަގު ކުޑަކުރުމަށް މުސާރަ ބޮޑުކުރުމަށް ނިންމީކަމަށް ރައީސް އޮފީހުން ބުނެފައިވެއެވެ.