ބިލްތައް ނުދައްކައިގެން ފެނަކަ މައި އޮފީހުން ފެން ކަނޑާލައިފި

މިވަގުތު އެންމެ ބޮޑަށް ދަރަންޏަކާއެކު ގިނަބައެއްގެ ފާޑުކިޔުން ލިބިފައިވާ ފެނަކައިން  ފެން ބިލްތައް ނުދައްކާތީ ޕޯޓްސް ކޮމްޕްލެކްސްްގައި ހިންގަމުންދާ ފެނަކަ މައި އޮފީހުން ފެން ކަނޑާލައިފިއެވެ.

މި ނޫހަށް އެނގިފައިވާގޮތުގައި އެ އޮފީހުގެ ތިން ފަންގިފިލާއަކުން ފެން ކަނޑާލާފައި ވަނީ މިއަދުގެ ވަގުތެއްގައެވެ. ފެނަކަ ވެގެން ގޮސްފައި ވަނީ އެތައް ކުުންފުންޏަކަށް ދަރާފައިވާ، މިދިޔަ ސަރުކާރުގައި ކޮރަޕްޝަންގެ އެންމެ ބޮޑެތި ތުހުމަތުތައް އަމާޒުވި ކުންފުންޏަށެވެ.

މިކަމާ ފެނަކަ ކުންފުނިން ވަކި އެއްޗެއް އަދި ހާމަކޮށްފައެއް ނުވެއެވެ

Advertisement

އިންތިގާލީ މުއްދަތުގެ ތެރޭގައި މިހާރު ރައީސް އޮފީހުގެ އަންޑަ ސެކެޓްރީ ފޯ ޕަބްލިކް ޕޮލިސީ، މުހައްމަދު ވިދާޅުވީ، ފެނަކައިގެ ދަރަނި އޮތީ 4.1 ބިލިއަން ރުފިޔާގައި ކަމަށާއި އެހެންވުމުގެ ސަބަބުން ކުންފުނީގެ ހާލަތު ވަރަށް އުނދަގޫ ހާލަތަކަށް ގޮސްފައިވާ ކަމަށެވެ.

ފިރުޒުލް ވިދާޅުވީ ފެނަކައިގެ ހާލަތަށް ބަލާއިރު 2022 ވަނަ އަހަރަށް ފެނަކައިގެ ޖުމްލަ ދަރަނީގެ ގޮތުގައި 4.1 ބިލިއަން ރުފިޔާ ފާހަގަވެފައިވާ ކަމަށެވެ. އޭގެ ތެރޭގައި އެކިއެކި ސަޕްލަޔާރުންނަށް ނުވަތަ ވިޔަފާރިތަކަށް އަދާކުރަން ޖެހިފައި ވަނީ 3.2 ބިލިއަން ރުފިޔާ ކަމަށާއި އަދި ލޯނުތަކުގެ ގޮތުގައި އަދާކުރަން ޖެހިފައިވަނީ 901 މިލިއަން ރުފިޔާ ކަމަށް ވިދާޅުވިއެވެ.

ފެނަކަ ކޯޕަރޭޝަނުން އީއައިއޭ ފުރިހަމަ ނުކޮށް 21 ރަށެއްގެ އިންޖީނުގެ އެޅުމުގެ މަޝްރޫއުގެ މަސައްކަތް ފެށުމާ ގުޅިގެން އެ ކުންފުނި 4.2 މިލިއަން ރުފިޔާ އިން އިއްޔެ ވަނީ ޖޫރިމަނާވެސް ކޮށްފައެވެ. 

އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އިން ނެރުނު އިއުލާނެއްގައި ބުނީ އެކަން ބަލައި އެ މައްސަލައާ ގުޅިގެން އެއްކުރި މައުލޫމާތުންނާއި، ދެ ފަރާތުގައި ދެމެދު ބަދަލުކުރެވިފައިވާ ލިޔެކިޔުންތަކަށް ރިއާޔަތްކުރުމުން އީއައިއޭ މަރުޙަލާ ފުރިހަމަ ކުރުމަކާ ނުލައި 21 ރަށެއްގެ އިންޖީނުގެ އެޅުމުގެ މަޝްރޫއުގެ މަސައްކަތް ފެނަކަ އިން ފަށާފައިވާ ކަމަށެވެ.