އަންނަ މަހު ނ އަތޮޅުގައި އާރުޓީއެލްގެ ހިދުމަތް ފަށަނީ

ރާއްޖެ ޓްރާންސްޕޯޓް ލިންކް (އާރްޓީއެލް) ފެރީގެ ހިދުމަތް ޖޫން މަހު ނ އަތޮޅުގައި ފަށާނެ ކަމަށް ޓްރާންސްޕޯޓު މިނިސްޓަރު މުހައްމަދު އަމީން ވިދާޅުވެއްޖެ އެވެ. 

މިއަދު ބޭއްވި ނޫސްވެރިންގެ ބައްދަލުވުމުގައި ނ، ރ އަދި ބ އަތޮޅުގައި މި ހިދުމަތް މި އަހަރުތެރޭ ފަށާނެކަމަށް ވިދާޅުވި އެވެ. 

ދެން އެންމެ އަވަހަށް އާރްޓީއެލް ފެރީގެ ހިދުމަތް ފަށާނީ ނ އަތޮޅަށް ކަމަށްވެސް އަމީން ވިދާޅުވި އެވެ. 

Advertisement

ނިމިދިޔަ ސަރުކާރުން މިދިޔަ އަހަރު ނިމުމުގެ ކުރިން އާރްޓީއެލް ހިދުމަތް ނ އަތޮޅުގައި ފެށުމަށް މަސައްކަތް ކޮށްފައިވެ އެވެ. އެހެންނަމަވެސް ސަރުކާރު ބަދަލުވުމާ ހަމައަށް އެކަން ކުރެވިފައެއް ނުވެއެވެ. 

އާރްޓީއެލްގެ ނިޒާމަކީ ރާއްޖޭގެ ރަށްތައް ދަތުރުފަތުރުގެ މަގުން ގުޅާލުމަށް މިދިޔަ ސަރުކާރުން 2022 ވަނަ އަހަރުގެ ޖޫން މަހުގެ ތެރޭ ފެށި މަޝްރޫއެކެވެ. 

އާރްޓީއެލްގެ ހިދުމަތް މިހާރު ލިބޭ އަތޮޅުތަކުގެ ތެރޭގައި ހިމެނެނީ ހއ، ހދ، ށ، ޅ، ގއ، ގދ، ފުވައްމުލައް އަދި އައްޑޫ ސިޓީގަ އެވެ.