އާންމުންގެ ސުވާލުތަކަށް މިނިސްޓަރުން ޖަވާބު ދޭ "އަހާ"ގެ ދެވަނަ ފޯރަމް ހޯމަ ދުވަހު

Aammun ge suvaalu thakah ministerun javaabu dhey "Ahaa" ge dhevana forum hoama dhuvahu

ރައީސް ޑރ މުހައްމަދު މުއިއްޒު އަދި ބައެއް ވަޒީރުން

26 އެޕްރީލު 2024

އާންމުންގެ ސުވާލުތަކަށް މިނިސްޓަރުން ޖަވާބު ދިނުމަށް ބާއްވާ "އަހާ" ފޯރަމްގެ ދެވަނަ ބައްދަލުވުން ހޯމަ ދުވަހުގެ ރޭ 08:30 ގައި ބޭއްވުމަށް ނިންމައިފި އެވެ.

"އަހާ" ގެ ދެވަނަ ފޯރަމް މި ބާއްވަނީ ތިން މަސް ދުވަހަށް ފަހުއެވެ. މިއީ ކޮންމެ މަހަކު އެއް ފަހަރު ބޭއްވުމަށް ސަރުކާރުން ނިންމި ފޯރަމެކެވެ.

ފޯރަމްގެ ތެރެއިން މިނިސްޓަރުންނާ ކުރުމަށް ބޭނުންވާ ސުވާލުތައް "AH (space) Suvaalu" ޖެހުމަށްފަހު 300 އަށް ފޮނުވޭނެއެވެ. އަދި ފޯރަމްގައި ބައިވެރިވެ އެ ވަގުތުވެސް މިނިސްޓަރުންނާ ސުވާލުކުރުމުގެ ފުރުސަތު ލިބިގެންދެއެވެ. މީގެ އިތުރުން ސޯޝަލް މީޑީޔާގެ ވަސީލަތްތައް މެދުވެރިކޮށްވެސް ސުވާލު ފޮނުވުމަށް ވަނީ ހުޅުވާލާފައެވެ.

ހޯމަ ދުވަހު އޮންނަ ފޯރަމްގައި ބައިވެރިވާ މިނިސްޓަރުންނަކީ ޓްރާންސްޕޯޓް މިނިސްޓަރު މުހައްމަދު އަމީން، ހޯމްލޭންޑް މިނިސްޓަރު އަލީ އިހުސާން، ފިޝަރީޒް މިނިސްޓަރު އަހުމަދު ޝިޔާމް، ހަޔާ އެޑިއުކޭޝަން މިނިސްޓަރު ޑރ. މަރިޔަމް މާރިޔާ އަދި ޔޫތު މިނިސްޓަރު އިބްރާހިމް ވަހީދު (އަސްވާޑު) އެވެ.