30 އޮކްޓޫބަރުގައި ނިޒާމީ ވޯޓަކަށް އަހަން މަޖިލީހުން ފާސަކޮށްފި

30 october gai majileehun nizaami vote akah ahan faaskoffi !

ހުޅުދޫ ދާއިރާގެ މެންބަރު އިލިޔާސް ލަބީބް ޤަރާރު ހުށަހަޅުއްވަނީ

20 ސެޕްޓެންބަރު 2023

ރައްޔިތުންގެ މަޖިލީހުން ފާސް ކުރި ޤަރާރުގައި 30 އޮކްޓޫބަރު 2023ގައި ރައްޔިތުންގެ ނިޒާމީ ވޯޓެއް ނެގުމަށް މަޖިލީހުން އިލެކްޝަން ކޮމިޝަނަށް އެންގުމަށް ހިމަނައިފިއެވެ.

ނިޒާމީ ވޯޓް ނެގުމާއި ގުޅޭ ގޮތުން މިއަދު އިލްޔާސް ލަބީބް ހުށަހަޅުއްވާފައިވާ ގަރާރަށް މަޖިލީހުގެ ކޮމިޓީގައި ކުރިއަށް ގެންދިޔަ ބަހުސްގެ ތެރެއިން އޭނާ ވަނީ އެ ގަރާރަށް އިސްލާހެއް ހުށަހަޅުއްވައިފަ އެވެ. އެ އިސްލާހުގައި ވަނި މި އަންނަ މަހުގެ 30 ވަނަ ދުވަހު ވެރިކަން ނިޒާމާއި ބޭހޭގޮތުން ރައްޔިތުންގެ ޙިޔާލު ހޯދުމަށް ވޯޓެއ ނެގުމަށް ސީދާ މަޖިލީހުން އިލެކްޝަން ކޮމިޝަަނަށް އެންގުމަށެވެ.

މި އިސްލާހު މަޖިލީހުގައި ފާސްވެފައިވަނީ މަޖިލީހުގެ އަގްލަބިއްޔަތު އޮންނަ އެމް.ޑީ.ޕީ މެންބަރުންގެ ތާޢީދާއިއެކުގައެވެ. އެއާއެކު މުޅި މަޖިލީހުގެ ކޮމެޓީއަކުން 31 މެންބަރުންގެ އިއްތިފާގުން އެ ޤަރާރު ވަނީ ފާސްވެފައެވެ.

އެއަށް ފަހު، މަޖިލީހުގައި އެ ރިޕޯޓަށް ބަހުސް ކުރުމުގެ ފުރުސަތަށް ހުޅުވާލުމުން ޖަލްސާގައި ބައިވެރިވި އެއްވެސް މެންބަރަކު ފުރުސަތަށް އެދިވަޑައި ނުގަތުމުން، ނިޒާމީ ވޯޓު ނެގުމާ ގުޅޭގޮތުން އިލްޔާސް ހުށަހެޅުއްވި ގަރާރު މުޅި މަޖިލީހުގެ ކޮމިޓީން ނިންމި ގޮތަށް، މަޖިލީހުން ފާސްކޮށްފައިވަނީ ވޯޓުގައި ބައިވެރިވެވަޑައިގެންނެވި 35 މެމްބަރުންގެ އިއްތިފާގުންނެވެ.