ކެނދިކުޅުދޫ ސުކޫލްގެ ދަރިވަރުން ތަޖުރިބާ ހޯދުމަށް މާލެއަށް

ކެނދިކުޅުދޫ  ސުކޫލް  ގުރޭޑް  10ގެ  ދަރިވަރުން  ތަޖުރިބާ  ހޯދުމަށް  ވެރިރަށް  މާލެއަށް  ފުރައިފިއެވެ. 

12  ދރިވަރުންނާއިއެކު  ކުރާ  މިދަތުރަކީ މިއަންނަ  އަހުރުގެ  މެއި  ޖޫންގައި  އޮންނަ  އޯލެވެލް  އިމްތިހާނަށް  ތަޖްރިބާ  ހޯދުމުގެ  ގޮތުން  މާލޭގެ  ބައެއް  ސުކޫލަތަކުންނާއި  އެހެނިހެން  ވެސް،   އެކުދިން  ކިޔަވާ  ދާއިރާތަކާއިގުޅޭ  ތަންތަނަށް  ޒިޔާރަތްކޮށް  އަމަލީ  ތަޖްރިބާ  ހޯދުމަށް  ރޭވިފައިވާ  ދަތުރެކެވެ. 

27  ޖެނުއަރީ  2024އިން  ފެށިގެން  އަންނަ  މަހުގެ  2އަކާއި  ހަމަޔަށް  އިސްކަންދަރު  ސުކޫލްގެ  ދަރިވަރުންނާއިއެކު،  އެކުދިންގެ  ކުލާސްރޫމްތަކުގައި ކިޔަވަމުންދާނެ  ކަމަށާއި،  އަދި  އޭގެ  އިތުރުން  މާލޭގެ  ބިލަބޮންގް  ސުކޫލާއި  މާލޭގެ  ނަން  މަޝްހޫރު  ސުކޫލުތަކުން  ޓީޗަރުން  ގެނެސް  އެކުދިންނަށް  ސެޝަންތައް  ނަގައިދިނުމަށް  ހަމަޖެހިފައިވާ  ކަމަށް  ކެނދިކުޅުދޫ  ސުކޫލްގެ  ލީޑިން  ޓީޗަރ  ފާތިމަތު  މަމްދޫހާ  ވިދާޅުވިއެވެ.

Advertisement

މީރާ،  އެމް.އެމް.އޭ،  އެންސިސް  މަސްފެކްޓްރީއާއި  އެނޫން  ވެސް ތަންތަނުން ތްޖްރިބާ  ހޯދާނެއެވެ.

މިއީ، 2005  ވަނަ  އަހަރު  ކެނދިކުޅުދޫގައި  އޯލެވެލް  އިމްތިހާން  ހަދަން  ފެށުނީއްސުރެ  މިފަދަ  ދަތުރެއް  ކެނދިކުޅުދޫ  ސުކޫލުން،  މާލޭގެ  ސުކޫލަކަށް  ތަޖުރިބާ  ހޯދުމަށް ކުރާ  ފުރަތަމަ  ފަހަރެވެ. 

މި  ދަތުރުގެ  ހަރުތަކަށް  ބޭނުންވާ  ފައިސާއަކީ  ގުރޭޑް  10ގެ ބެލެނިވެރިން  ފަންޑް  ރެއިޒްކޮށްފައިވާ  ފައިސާއެވެ.  ދަރިވަރުން  މާލެއަށް  ކުރާ  ދަތުރު  ސުޕޮންސާރކޮށްފައިވަނީ  ސަން  ކޮންސުޓްރަކްޝަން  އެންޑް  އިންޖިނިއަރިންގެ  ފަރާތުންނެވެ.  އޭގެ  އިތުރުން  ވަސް  ވަރަށް  ގިނަ  ފަރާތްތަކެއް  މިދަތުރަށް  އެތަށްގޮތަކުން  އެހީތެރިކަން  ލިބިފައިވާކަމަށް  ކެނދިކުޅުދޫ  ސުކޫލުން  މައުލޫމާތުދިނެވެ.