ކެނދިކުޅުދޫ ސުކޫލުގެ 56 ވަނަ އަހަރީ ދުވަސް ފެށީ ފަތިސް ނަމާދުން

Kendhikulhudhoo Schoolge 56 vana aharee dhuvas feshee fathis namaadhun

ފަތިސް ނަމާދުގެ ކުރަނީ -- ފޮޓޯ/ކެނދިކުޅުދޫ ސުކޫލް

12 މާރިޗު 2023

ނ. ކެނދިކުޅުދޫ ސުކޫލްގެ 56 ވަނަ އަހަރީ ދުވަހުގެ ހަރަކާތްތަށް އެ ދުވަހުގެ ފަތިސް ނަމާދުގެ ޖަމާޢަތުން ފަށައިފިއެވެ.

28 ފެބްރުއަރީ 2023 ވީ އަންގާރަ ދުވަހަކީ ކެނދިކުޅުދޫ ސުކޫލަށް 56 އަހަރު ފުރުނު ދުވަހެވެ. 56 އަހަރުގެ ދިގު ތާރީޚުގެ ތެރެއިން ސުކޫލުގެ އަހަރީ ދުވަސް ކުލަ ގަދަ ގޮތެއްގައި ކޮންމެ އަހަރެއްގައި ވެސް ފާހަގަ ކުރެއެވެ. އެގޮތުން އަހަރީ ދުވަހުގެ ޙާއްސަ އެސެންބުލީއަކީ ކޮންމެ އަހަރެއްގައި ވެސް މި މުނާސަބުގެ ފެށުމެވެ.

އެހެން އަހަރުތަކާއި ޚިލާފަށް މި އަހުރު، ސުކޫލުގެ އަހަރީ ދުވަސް ފެށިގެން އައީ ރަށުގެ މުޢައްސަސާތަކުގެ ވެރިންނާއި، ސުކުލޫގެ ސުޓާފުން އަދި ދަރިވަރުންގެ ބޮޑު ޖަމާޢަތުގެ ފަތިސް ނަމާދުންނެވެ. މި ނަމާދުގައި ޢިމާމްވެ ނަމާދު ކުރެއްވީ ސުކޫލުގެ އިސްލާމް ޓީޗަރު އަލީ ޙަނީފްއެވެ. ނަމާދުގެ ޖަމާޢަތަށް ފަހު ދުވަހުގެ ޙާއްސަ ދުޢާއެއް ކުރެވިގެންދިއައެވެ.

ދުވަހާއި ގުޅުވައިގެން ބޭއްވުނު ޙާއްސަ އެސެންބުލީގައި، ކެނދިކުޅުދޫ ސުކޫލުގެ ޕުރިންސިޕަލް، ކައުންސިލްގެ ސެކްރަޓެރީ ޖެނެރަލް އަދި ކައުންސިލްގެ ރައީސް، އިބްރަތްތެރި ވާހަކަތަކެއް ޙިއްސާކުރެއްވިއެވެ.

"ކޮންމެ ދަރިވަރީކީ އެއް ހަމަ އަކަށް އުގެނެވޭނެ ދަރިވަރުންނެތް ނޫން، އެހެން ނަމަވެސް ކޮންމެ ކުއްޖަކީ ވެސް ހުނަރެއް ހުންނާނެ ކުއްޖެއް ކަން ޔަޤީން" ކައުންސިލްގެ ރައީސް އަޞްފާލިލް މުޙައްމަދު ރަޢޫފް ވަހާކަ ދައްކަވަމުން ވިދާޅުވިއެވެ.

ދުވަހަގެ ޙާއްސަ އެސަންބުލީ ނިންމާލީ ސުކޫލުގެ މުވައްޒފުން، ދަރިވަރުން އަދި ދަޢުވަތު ދެވިގެން ވަޑައިގަން ތިއްބެވި ބޭފުޅުންނާއި އެކު ނެގުނު ހާއްސަ ޕޮޓޯއަކުން ނެވެ.