ދަ ޑިމޮކުރެޓްސްގެ ހުށަހެޅުން: 25 ސެޕްޓެންބަރުގައި ނިޒާމީ ވޯޓަކަށް!

ދަ ޑިމޮކުރެޓްސްގެ ހުށަހެޅުމަކީ މި ހިނގާ ސެޕްޓެންބަރުގެ 25 ވަނަ ދުވަހު، ފެންނަ ނުފެންނަ ނިޒާމީ ވޯޓެއް ނެގުންކަމަށް އެ ޕާޓީގެ ވަގުތީ ޗެއާރ ޕާސަން ހަސަން ލަތީފް ވިދާޅުވެއްޖެއެވެ. 

މިރޭ ބޭއްވުނު ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހަސަން ލަތީފް ވިދާޅުވީ 25 ސެޕްޓެންބަރު 2023 ވާ ހޯމަ ދުވަހު ނިޒާމީ ފެންނަ ނުފެންނަ ވޯޓެއް ނެގުމަށް އެމް.ޑީ.ޕީ އަދި ޕީ.ޕީ.އެމަށް ވެސް ހުށަހަޅާފައިވާނެކަމަށެވެ. މިވަގުތަށް އެ ކަމަކަށް އެމް.ޑީ.ޕީ ދެކޮޅު ނަހައްދަވާ ކަމަށާއި، އަދި އެކަމަކަށް އެއްބަސްވެފައި ވެސް ނެތްކަމަށް ވިދާޅުވިއެވެ. 

ނިޒާމް ބަދަލުކުރުމުގެ ފުރުސަތު މިއަދު އެންމެ ބޮޑަށް ލިބިފައި މިއޮތީ އެމް.ޑީ.ޕީއަށް ކަމަށާއި، ޤާނުނު އަސާސީ ބަދަލުކޮށް ނިޒާމީ ފެންނަ ނުފެންނަ ވޯޓެއްނަގައި ވެރިކަމުގެ ނިޒާމް ބަދުލުކޮށް ރަނގަޅަށް ހިނގާނެ ބަދަލައް ގެންނަން ޖެހޭކަމަށް ހަސަން ލަތީފް ވިދާޅުވިއެވެ.

Advertisement

ހަސަން ލަތީފް ވިދާޅުވިގޮތުގައި މި ވަގުތު ރައީސުލް ޖުމްހޫރިއްޔާ، އެމް.ޑީ.ޕީގެ ކެޑިޑޭޓް ބަލިވެއްޖެއެވެ. މި ވަގުތު ޑިމަކުރެޓުން އެދޭ ގޮތަކީ ޤާނުނު އަސާސީގެ ތެރެެއިން ކުރެއްވެން ހުރި ކަންކަން ކުރަށްވައިގެން ރާއްޖެގެ ހަަމަޖަހުމެއް އަންނާނެ ގޮތަކަށް ރައީސުލް ޖުމްހޫރިއްޔާ އަމަލުކޮށްދެއްވުން ކަމަށް ވިދާޅުވިއެވެ. 

ދިވެހިރާއްޖޭޣައި މީގެ ކުރިން ވެސް ނީޒާމީ ފެންނަ ނުފެން ވޯޓެއް ވަނީ ނެގިފައެވެ.  އެ ފަހަރުގެ ނަތީޖާއަކަށް ވީ ރިޔާސީ ނިޒާމެއްގައި މި ރާއްޖޭގެ ދަަޢުލަތް ހިންގުމުގެ ނިޒާމް ބޭއްވުމެވެ.