ރިޓަޔާ ވެވޭނެ އުމުރު އިޚްތިޔާރުދީ، 65 އަހަރުވުމުން 7،000 ރުފިޔާ

ދޮށީ އުމުރު މީހުންނަށް ދެމުން އަންނަ އެލަވެންސް 7000 ރުފިޔާއަށް ބޮޑު ކުރައްވާނެ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހް ވިދާޅުވެއްޖެއެވެ.

މާލޭގެ މާވެޔޮމަގުގައި ހުންނަ ހުވަދޫ ޖަގަހާއިގައި މިރޭ އެމް.ޑީ.ޕީއިން ބޭއްވި ޖަަލްސާގައި ވާހަކަފުޅު ދައްކަވަމުން ވިދާޅުވީ ދޮށީ އުމުރު މީހުންނަށް ދެމުން އަންނަ އެލަވެންސް 7000 ރުފިޔާއަށް ބޮޑުކުރައްވާ، ރިޓަޔާމެންޓްގެ އުުމުރު 65 އަހަރަށް އޮންނަ އޮތުން އިޚްތިޔާރެއްގެ ދަށުން 70 އަހަރަށް ބަދަލު ކުރުމުގެ އިޚްތިޔާރު ދެއްވާނެކަމަށެވެ.

އޭގެ އިތުރުން ވެސް، ރައީސް އިބޫ އެ ޖަލްސާގައި ވާހަކަ ދައްކަވަމުން ވިޑާޅުވީ ކޮވިޓް 19 އާއި ގިޅިގެން އެސް.ޑީ.އެފް.ސީ އިންދިން ވިޔަފާރި އެހީގެ ލޯން އިންޓްރެސްޓް އެއްކޮށް ކަޑާލާއި، ކުރިން އިންޓްރެސްޓް ދެއްކި ފަރާތްތަކަށް އެފައިސާ އަނބުރާ ދެއްވާނެ ކަމަށެވެ.

Advertisement

ޕުރިންސިޕަލުންގެ އަޑު ވެސް އަހާ، އެބޭފުޅުންގެ ކަންބޮޑުވުންތަކަށް ރިއާޔަތްކޮށް، އަމިއްލަ ރަށް ނޫން އެހެން ރަށެއްގައި ގޮސް ސުކޫލެއްގެ ޕްރިންސިޕްލަށް ހުންނަ ނަމަ އެ ފަރާތްތަކަށް އިތުރު 7000 ރުފިޔާގެ އެލަވެންސްއެއް ދެއްވާނެ ކަމަށް ވެސް ރައީސުލް ޖުމްހޫރިއްޔާ އިބްރާހިމް މުޙައްމަދު ޞާލިޙް މިރޭގެ ޖަލްސާގައި ވިދާލޫވެފައިވެއެވެ. 

ރިޔާސި އިންތިހާބުގެ 2 ވަނަ ބުރުގެ ކެމްޕޭނުގައި ރައީސް އިބޫ މާލޭގައި ކޮންމެ ދުވަހަކު ދޮރުން ދޮރަށް ހިނގުމުގެ ހަރަކާތް ހިންގަވައެވެ.