ކެނދިކުޅުދޫ ދާއިރާއިން އަޅުގަނޑު ތާއީދު ކުރައްވާ ކެނޑިޑޭޓަކީ އަފޫ: ރައީސް މުޢިއްޒު

2024 ވަނަ އަހުރުުގެ ރައްޔިތުން މަޖިލީހުގެ އިންތިޙާބުގައި ކެނދިކުޅުދޫ ދާއިރާއިން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތާއީދު ކުރައްވާ ކެނޑިޑޭޓަކީ މުޙައްމަދު އަފޫ ހާމިދު ކަމަށް މިއަދު އެމަނިކުފާނު ކެނދިކުޅުދޫއަށް ކުރެއްވި ދަތުރުގެ ތެރެއިން ވިދާޅުވެއްޖެއެވެ.

ރައީސް މިވަގުތު ރާއްޖެތެރޭގެ ރަށްތަކަށް ކުރައްވަމުން ގެންދަވާ ދަތުރުގެ ތެރެއިން މިއަދު ހެނދުނު ނ.ކެނދިކުޅުދޫއަށް ވަޑައިގެން ދަތުރުގައި އަފޫ ޙާމިދުގެ ކެންޕެއިން މީޑިއާއަށް ދެއްވި އިންޓަވިއުއެއްގައި، ކެނދިކުޅުދޫ ދާއިރާގެ 3 ނަންބަރު ކެޑިޑޭޓަށް ފުރިހަމަ އިތުބާރު އެބައޮތް ކަމަށާއި މިދާއިރާއަށް ކުރަން ހުރި ހުރިހާ މަސައްކަތެއްގައި އެމަނކުފާނަށް އެއްބާރުލުން ދެއްވައިގެން މަސައްކަތް ކުރައްވާނެ ބޭފުޅަކީ އަފޫ ޙާމިދުކަމަށް ރައީސް މުޢިއްޒު ފާހަގަ ކުރެއްވިއެވެ.

އޭގެ އިތުރުން ވެސް ކެނދިކުޅުދޫ ދާއިރާގެ ކެނޑިޑޭޓް ނަންބަރު 3ކަށް ވޯޓް ދެއްވާ އަފޫ ހާމިދު އެ ދާއިރާއަށް ހޮއްވަވައިދެއްވުމަކީ އެ މަނިކުފާނުގެ އެދުމެއްކަމަށް ރައީސުލްޖުމްހޫރިއްޔާ ވިދާޅުވިއެވެ.

Advertisement

ރައީސް ކެނދިކުޅުދޫއަށް މިއަދު ކުރެއްވި ދަތުރުފޅުގައި އެރަށުގެ ކައުންސިލާއި އ.ތ،މ ކޮމިޓީގެ އަދި ރައްޔިތުންނާއި ބައްދަލު ކުރެއްވިއެވެ.