އަންނަ މަހު ރާއްޖޭގައި އަނެއްކާވެސް އިންޓަނެޓުގެ އަގުހެޔޮ ވާނެކަމަށް ރައީސް ވިދާޅުވެއްޖެ

އަންނަ އޯގަސްޓް މަހުގެ މެދުުތެރޭގައި އަނެއްކާވެސް އިންޓަނެޓްގެ އަގު ހެޔޮ ވެގެން ދާނެކަމަށް ރާއްޖޭގެ ރައީސުލް ޖުމްހޫރިއްޔާ އިބްރާޙީމް މުޙައްމަދު ސާލިޙް ވިދާޅުވެއްޖެއެވެ. 

ރިޔާސީ އިންތިހާބުގެ ކެމްޕެއިނަށް ރައީސް އިބްރާޙީމް މުޙައްމަދު ސާލިޙް މިއަދު ވ. އަތޮޅަށް ކުރެއްވި ދަތުރުފުޅުގައި އެ އަތޮޅު ރަކީދޫ އަށް ވަޑައިގެން އެރަށުގައި ބޭއްވި ކެމްޕެއިން ބައްދަލުވުމެއްގައި ވާހަކަދައްކަވަމުން ރައީސް ސޯލިހް ވިދާޅުވީ ފްރާންސްގެ މާސޭ އިން ސިންގަޕޫރަށް އަޅަމުންދާ ސަބްސީ ކޭބަލްއެއް ރާއްޖެ އަށް އެއްގަން ކުރެވިގެން ދާނެ ކަމަށެވެ. ނަތީޖާއެއްގެ ގޮތުން މި ލިބޭ އިންޓާނެޓްގެ އަގު ހެޔޮވެ، ހަލުވިވެގެން ދާނެކަމަށް ވެސް އެ މަނިކުފާނު ވިދާޅުވިއެވެ. 

ސަރުކާރުން ކުރަން މިއުޅޭ ކަމަކީ އިންޓަނެޓްގެ ރީޓެއިލް ވިޔަފާރި ތެރެއަށް ވަނުން ނޫންކަމަށާއި، މި ހާރު އެ ޙިދުމަތް ދޭފަރާތްތަކަށާއި، އަލުން އެ ވިޔަފާރިއަށް ވަންނަން ބޭނުންވާ ފަރާތްތަކަށް ފުރުސަތު ހުޅުވާލުމާއިއެކު، ފަސޭހައިން އަގު ހެޔޮކޮށް ދުނިޔެއާއި ގޫޅާލެވޭނެނ ނިޒާމެއް ފޯރުކޮށްދެނީކަމަށް ރައީސްގެ ވާހަކފުޅުގައި ފާހަގަ ކުރެއްވިއެވެ.

Advertisement

އިންޓަނެޓްގެ އަގު ހެޔޮ ކުރުމަކީ 2018 ވަނަ އަހަރު ވެރިކަމަށް ވަޑައިގެންނެވި އިރު އެމަނކުފާނުގެ ރިޔާސީ ވަޢުދެކެވެ. 

އެ ވަޢުދުފުއްދުމުގެ ގޮތުން 2021 ވަނަ އަހަރުގެ ޖުލައި މަހުގެ ތެރޭގައި އަދުގެ ސަރަކާރުން އިންޓާނެޓްުގެ އަގު ހެޔޮކޮށްފައިވެއެވެ. އެޔާއި އެކު މިހާރު އިންޓާނެޓް ފޯރުކޮށްދެމުން އަންނަނީ:

ސަރުކާރުން އިންޓަނެޓަށް ކަނޑައަޅާފައިވާ އަގުތަށް: 

• 30 ޖީބީ – 250 ރުފިޔާއަށް، 25 އެމްބީޕީއެސްގައި. އަދި މިޕެކޭޖްގެ ތްރޮޓްލް ސްޕީޑަކީ 2 އެމްބީޕީއެސް.
• 100 ޖީބީ – 500 ރުފިޔާއަށް، 15 އެމްބީޕީއެސްގައި. އަދި މިޕެކޭޖްގެ ތްރޮޓްލް ސްޕީޑަކީ 5 އެމްބީޕީއެސް.
• 200 ޖީބީ – 700 ރުފިޔާއަށް، 25 އެމްބީޕީއެސްގައި. އަދި މިޕެކޭޖްގެ ތްރޮޓްލް ސްޕީޑަކީ 5 އެމްބީޕީއެސް.